Masalimo 142:1-7
Masikili.* Sumu yaku Davidi pa nyengu yo wenga mumphanji.+ Pempheru.
142 Ndi mazu ngangu, ndipempha Yehova kuti wandiwovyi;+Ndi mazu ngangu, ndiŵeyere Yehova kuti wandichitiyi lisungu.
2 Ndikamba vo vitindifipiska mtima pa masu paki;Ndikamba masuzgu ngangu pa masu paki+
3 Asani mzimu wangu walopwa* mukati mwangu.
Ndipu yimwi muwona mo nditende.+
Munthowa mo nditenda,Yiwu atindithyiya chiŵana.
4 Lereskani kujanja langu lamaryi ndipu wonaniKuti palivi munthu yo watindiŵanaŵaniya.*+
Kulivi ko ndingathaŵiya;+Palivi yo watindifipiya mtima.
5 Yimwi Yehova, nditikudanani kuti mundiwovyi.
Ndipu ndikamba kuti: “Ndimwi malu ngangu ngakuthaŵiyaku,+Nde ndi yimwi pe* mucharu cha ŵanthu amoyu.”
6 Vwisiyani kuliya kwangu kwakupempha chovyu,Pakuti ndayuyulika ukongwa.
Nditaskeni ku ŵanthu wo atinditombozga,+Pakuti yiwu ŵe ndi nthazi kuluska ini.
7 Ndituzgeni muchizenjiKuti ndithamiki zina linu.
Ŵanthu arunji andizingiliziPakuti muchita nani vinthu mwalisungu.
Mazu Ngam'mphata
^ Wonani Mazu ngo Ngakonkhoskeka.
^ Pamwenga kuti, “nthazi zangu zamala.”
^ Mazu ngaki chayingu, “watindiŵanika.”
^ Mazu ngaki chayingu, “Ndimwi chigaŵa changu.”
