Masalimo 132:1-18
Sumu Yakukwere ku Tawuni.
132 Yimwi Yehova mukumbukeni DavidiKweniso masuzgu ngaki ngosi;+
2 Ndipuso mo wangulapizgiya Yehova,Iyu wangulapizgiya Wanthazizosi waku Yakobe kuti:+
3 “Ndiserengemu cha muhema langu, munyumba yangu.+
Ndigonengepu cha po ndigona, pabedi langu;
4 Ndizomerezengi cha kuti masu ngangu ngagoni,Pamwenga vikolongu vangu kuti visiwi
5 Mpaka po ndamusaniriya malu Yehova,Malu ngamampha ngakujapu nga* Wanthazizosi waku Yakobe.”+
6 Awonani! Tinguvwa vakukwaskana ndi ilu ku Efurata;+Ndipu tingulisaniya muthundu.+
7 Tiyeni tisere mumalu ngaki ngakujamu;*+Tiyeni tijikami pachakukandapu malundi ngaki.+
8 Sokani yimwi Yehova, kuti muzi kumalu nginu ngakupumuliyaku,+Yimwi limoza ndi Bokosi la nthazi zinu.+
9 Asembi ŵinu avwalikiki urunji,Ndipu ŵanthu ŵinu akugomezgeka adanirizi mwalikondwa.
10 Chifukwa chaku Davidi mteŵeti winu,Mungamukananga* cha wakusankhika winu.+
11 Yehova walapizgiya Davidi;Ndipu iyu waweleriyengi cha pa mazu ngaki ngakuti:
“Yumoza wa mphapu yaku,*Ndimuŵikengi pampandu waku waufumu.+
12 Asani ŵana ŵaku asungengi phanganu languKweniso vikumbusu vangu vo nditiŵasambiza,+Ŵana ŵawu nawuAzamuja pampandu waku waufumu mpaka muyaya.”+
13 Pakuti Yehova wasankha Ziyoni;+Ndipu wakhumba kuti waje malu ngaki ngakujamu, ndipu wakamba kuti:+
14 “Ngenanga ndingu malu ngangu ngakupumuliyaku mpaka muyaya;Ndijengi mwenimunu,+ pakuti ndivu ndikhumba.
15 Ndimutumbikengi ukongwa ndi vinthu vinandi;Ŵanthu ŵaki akavu ndiŵapaskengi chakurya.+
16 Asembi ŵaki ndiŵavwalikengi utaski,+Ndipu ŵanthu ŵaki akugomezgeka adanirizengi mwalikondwa.+
17 Ndichitiskengi kuti nthazi zaku Davidi zikuwi* kwenuku.
Wakusankhika wangu ndamunozge nyali.+
18 Arwani ŵaki ndiŵavwalikengi soni,Kweni chisoti chaufumu cho che pamutu waki chiŵalengi.”+
Mazu Ngam'mphata
^ Pamwenga kuti, “Chihema chikulu cha.”
^ Pamwenga kuti, “muchihema chaki chikulu.”
^ Mazu ngaki chayingu, “Mungaching’anamuwanga cha chisku.”
^ Mazu ngaki chayingu, “wa chipasu cha nthumbu yaku.”
^ Mazu ngaki chayingu, “kuti sengwi laku Davidi likuwi.”
