Masalimo 129:1-8
-
Arwani atitiyukiya kweni atitithereska cha
-
Ŵanthu wosi wo atinkha Ziyoni alengeseki (5)
-
Sumu Yakukwere ku Tawuni.
129 “Kutuliya pa unyamata wangu, yiwu aja achindiyukiya kaŵikaŵi”+
Isirayeli wakambi kuti,
2 “Kutuliya pa unyamata wangu, yiwu aja achindiyukiya kaŵikaŵi;+Kweni andithereska cha.+
3 Alimi andilima pamsana;+Ndipu alimapu mizeri yitaliyitali.”
4 Kweni Yehova ndi murunji;+Iyu wacheketa vingwi va ŵanthu aheni.+
5 Ŵanthu wosi wo atinkha ZiyoniAlengesekengi kweniso aweleriyengi mwasoni.+
6 Yiwu ajengi nge uteka wo wame pachanya pa nyumba,Wo ufota wechendachesuliki,
7 Wo uzaza cha kujanja la munthu yo wavunaPamwenga mumanja nga munthu yo wawunjika ntchinda.
8 Ŵanthu wo ajumpha akambengi cha kuti:
“Vitumbiku vaku Yehova viŵi paku yimwi;Titikutumbikani mu zina laku Yehova.”
