Masalimo 127:1-5
Sumu Yakukwere ku Tawuni. Sumu yaku Solomoni.
127 Kwambula kuti Yehova ndiyu wazenga nyumba,Wo atiyizenga mwaphamphu afyoke paŵaka.+
Kwambula kuti Yehova ndiyu waja mulonda wa tawuni,+Mulonda wafuŵizga tulu paŵaka.
2 Yimwi mwaŵanthu mufyoke paŵaka asani muchelera,Mufyoke paŵaka asani mugona mwakuswera,Mufyoke paŵaka asani mugwira ntchitu mwaphamphu kuti musaniyi chakurya chinu,Pakuti iyu waphwere wo watiŵayanja ndipu watiŵapaska so tulu.+
3 Awonani! Ŵana* ntchihara chakutuliya kwaku Yehova;+Chipasu cha nthumbu ndi mphotu.+
4 Nge mivi yo ye kujanja la munthu wanthazi,Ndimu so aliri ŵana a munthu wachinyamata.+
5 Ngwakukondwa munthu yo wazaza kachikwama kaki ndi mivi yeniyi.+
Yiwu alengesekengi cha,Pakuti alongorongi ndi arwani pageti la tawuni.
Mazu Ngam'mphata
^ Mazu ngaki chayingu, “Ŵana anthulumi.”
