Masalimo 12:1-8
-
Yehova wasoka kuti wachitepu kanthu
-
Mazu ngaku Chiuta ngakutowa (6)
-
Kwaku yo walongozga sumu: Sumu iyi yishuniki pa Sheminiti.* Sumu yaku Davidi.
12 Nditaskeni yimwi Yehova, pakuti munthu wakugomezgeka kulivi;Ŵanthu akugomezgeka asoŵa pakati pa ŵanthu.
2 Ŵanthu apusikana;Ndi milomu yawu alongoro mazu ngakukopa,* ndipu alongoro ndi mitima yachinyengu.*+
3 Yehova wacheketengi milomu yosi yachinyenguKweniso malilimi ngo ngalongoro mwakujikuzga,+
4 Ŵanthu wo akamba kuti: “Vinthu vitiyendiyengi umampha chifukwa cha malilimi ngidu.
Tigwiriskiya ntchitu milomu yidu mo takhumbiya;Ndiyani wangatilamula?”+
5 Yehova wakamba kuti: “Chifukwa cha kukandirizgika kwa ŵanthu wo asuzgika,Chifukwa cha kutamantha kwa ŵanthu akavu,+Ndisokengi kuti ndichitepu kanthu,Ndiŵataskengi ku ŵanthu wo atiŵayuyuwa.”*
6 Mazu ngaku Yehova ngakutowa;+Nge nge siliva wakuyengetulika maulendu 7 mung’anju ya mudongu.*
7 Yimwi Yehova muŵavikiliyengi;+Muvikiliyengi weyosi waku yiwu ku mugonezi uwu mpaka muyaya.
8 Ŵanthu aheni atendatenda kwekosi kwambula wakuŵakaniza,Pakuti ŵana a ŵanthu achiska mijalidu yabwekabweka.+
Mazu Ngam'mphata
^ Wonani Mazu ngo Ngakonkhoskeka.
^ Mazu ngaki chayingu, “Yiwu alongoro ndi milomu yakusilirika.”
^ Mazu ngaki chayingu, “ndi mtima ndi mtima.”
^ Pamwenga kuti, “wo atiŵanyoza.”
^ Yapa pangafwatulikiya so kuti, “mung’anju yakuyengetuliya yo yazengeka pacharu.”
