Masalimo 118:1-29
118 Wongani Yehova, chifukwa iyu ngwamampha;+Chanju chaki chambula kumala ntchamuyaya.
2 Isirayeli wakambi kuti:
“Chanju chaki chambula kumala ntchamuyaya.”
3 Ŵanthu a munyumba yaku Aroni akambi kuti:
“Chanju chaki chambula kumala ntchamuyaya.”
4 Ŵanthu wo atopa Yehova akambi kuti:
“Chanju chaki chambula kumala ntchamuyaya.”
5 Ndingudana Ya* pa nyengu yo ndasuzgikanga;Ya wangundimuka ndipu wangunditole kumalu ngakuvikilirika.*+
6 Yehova we kuchigaŵa changu; ndiwopengi cha.+
Kumbi munthu wangachitanji nani?+
7 Yehova we kuchigaŵa changu kuti wandiwovyi;*+Ndipu ndiwonengi arwani ŵangu achithereskeka.+
8 Mbumampha kuthaŵiya kwaku YehovaKuluska kuthemba ŵanthu.+
9 Mbumampha kuthaŵiya kwaku YehovaKuluska kuthemba alongozgi.+
10 Mitundu yosi yingundizingiliza,Kweni mu zina laku Yehova,Ndinguyidikisa.+
11 Yiwu angundizingiliza, hinya angundizingiliza muvigaŵa vosi,Kweni mu zina laku Yehova,Ndinguŵadikisa.
12 Yiwu angundiwumbiliya nge njuchi,Kweni anguzimwisika liŵiliŵi nge motu wo ukole muminga.
Mu zina laku Yehova,Ndinguwadikisa.+
13 Ndingututuzgika mwanthazi* kuti ndiwi,Kweni Yehova wangundiwovya.
14 Ya ndi malu ngangu ngakuthaŵiyaku kweniso nthazi zangu,Iyu wasambuka utaski wangu.+
15 Mazu nga likondwa kweniso utaski*Ve mumahema nga ŵanthu arunji.
Janja lamaryi laku Yehova lilongo nthazi zaki.+
16 Janja lamaryi laku Yehova litijikweza;Janja lamaryi laku Yehova lilongo nthazi zaki.+
17 Ndifwengi cha, hinya, ndilutirizgengi kuja ndi umoyu,Kuti ndipharazgi ntchitu zaku Ya.+
18 Ya wangundichenya mwanthazi,+Kweni wangundipereka ku nyifwa cha.+
19 Ndijuliyeni mageti nga urunji;+Ndiserengi mukati ndi kuthamika Ya.
20 Ili ndi geti laku Yehova.
Arunji aserengepu.+
21 Ndikuthamikeningi, chifukwa mungundimuka+Ndipu yimwi mungusambuka utaski wangu.
22 Mwa wo akuzenga anguwukanaNdiwu waja mwa wakukhumbika ukongwa wapakona.*+
23 Mwa wenuwu watuliya kwaku Yehova;+Ndipu ngwakuziziswa ukongwa mu masu mwidu.+
24 Ili ndi zuŵa lo Yehova wapanga;Tikondwengi ukongwa ndipu tisekeriyengi mu zuŵa ili.
25 Yehova, tipempha, titaskeni chondi!
Yehova, chondi tiwovyeni kuti tithereski!
26 Ngwakutumbikika yo watuza mu zina laku Yehova;+Titikutumbikani kutuliya munyumba yaku Yehova.
27 Yehova ndi Chiuta;Iyu watitipaska ukweru.+
Namwi pingani vivwati ndipu ndondani limoza ndi gulu la ŵanthu kuluta ku phwandu,+Mpaka kumasengwi nga guŵa la sembi.+
28 Yimwi ndimwi Chiuta wangu, ndipu ndikuthamikeningi;Ndimwi Chiuta wangu, ndikukwezeningi.+
29 Wongani Yehova,+ chifukwa iyu ngwamampha;Chanju chaki chambula kumala ntchamuyaya.+
Mazu Ngam'mphata
^ “Ya” ndi mazu ngakudumuwa nga zina lakuti Yehova.
^ Pamwenga kuti, “kumalu ngasani.”
^ Yapa pangafwatulikiya so kuti, “limoza ndi ŵanthu wo atindiwovya.”
^ Yapa pangafwatulikiya so kuti, “Mungunditutuzga mwanthazi.”
^ Pamwenga kuti, “kuthereska.”
^ Mazu ngaki chayingu, “waja mutu wapakona.”
