Masalimo 115:1-18
115 Kwaku isi cha yimwi Yehova, kwaku isi cha,*Kweni perekani unkhankhu ku zina linu+Chifukwa cha chanju chinu chambula kumala kweniso kugomezgeka kwinu.+
2 Kumbi mitundu ya ŵanthu yikambiyenji kuti:
“We pani Chiuta wawu?”+
3 Chiuta widu we kuchanya;Wachita vo wakhumba.
4 Angoza ŵawu mbasiliva ndi golidi,Ntchitu ya manja nga ŵanthu.+
5 Mulomu ŵe nawu, kweni angalongoro cha;+Masu ŵe nangu, kweni angalereska cha;
6 Makutu ŵe nangu, kweni angavwa cha;Mphunu ŵe nazu, kweni anganuska cha;
7 Manja ŵe nangu, kweni angako chinthu cha;Malundi ŵe nangu, kweni angayenda cha;+Angatuzga mazu cha ndi chidyokomeru chawu.+
8 Ŵanthu wo atiŵapanga ayananengi ndi angoza ŵenaŵa,+Nge mo so viŵiyengi ndi ŵanthu wo atiŵathemba.+
9 Yiwi Isirayeli, gomezga Yehova+Iyu ndiyu watikuwovyani, kweniso ntchishangu chinu.+
10 Yiwi nyumba yaku Aroni,+ gomezga YehovaIyu ndiyu watikuwovyani, kweniso ntchishangu chinu.
11 Yimwi mutopa Yehova, gomezgani Yehova+Iyu ndiyu watikuwovyani, kweniso ntchishangu chinu.+
12 Yehova watitikumbuka ndipu watitumbikengi;Iyu watumbikengi nyumba yaku Isirayeli;+Iyu watumbikengi nyumba yaku Aroni.
13 Iyu watumbikengi wo atopa Yehova,Anamana kweniso arara.
14 Yehova wakusazgiyeningiku,Yimwi ndipuso ŵana ŵinu.*+
15 Yehova wakutumbikeni+Yo wakupanga kuchanya ndi charu chapasi.+
16 Pakuti kuchanya nkhwaku Yehova,+Kweni charu chapasi wakuchipereka ku ŵana a ŵanthu.+
17 Akufwa atimuthamika cha Ya;+Kweniso weyosi yo wasikiya kumayiyi wangamuthamika cha.+
18 Kweni isi tithamikengi YaKwamba sonu mpaka muyaya.
Thamikani Ya!*
Mazu Ngam'mphata
^ Pamwenga kuti, “Isi tilivi kanthu yimwi Yehova, isi tilivi kanthu.”
^ Mazu ngaki chayingu, “ŵana ŵinu anthulumi.”
^ Pamwenga kuti, “Aleluya!” “Ya” ndi mazu ngakudumuwa nga zina lakuti Yehova.
