Masalimo 114:1-8
114 Isirayeli wati watuwa mu Ijipiti,+Nyumba yaku Yakobe yati yatuwa pakati pa ŵanthu wo alongoronga chineneru chachilendu,
2 Yuda wanguja malu ngaki ngakupaturika,Isirayeli wanguja chigaŵa chaki cho walamuliyanga.+
3 Nyanja yinguwona venivi ndipu yinguthaŵa;+Yorodani wanguwelere.+
4 Mapiri ngangundwikandwika nge mbereri zinthulumi,+Mitunthu yingundwikandwika nge ŵana a mbereri.
5 Yiwi nyanja, ntchinthu wuli cho chingukuchitiska kuti uthaŵi?+
Yiwi Yorodani, ntchifukwa wuli unguwelere?+
6 Yimwi mapiri, ntchifukwa wuli mungundwikandwika nge mbereri zinthulumi?Yimwi mitunthu, ntchifukwa wuli mungundwikandwika nge ŵana a mbereri?
7 Yiwi charu, njekeme chifukwa cha Ambuya,Chifukwa chaku Chiuta waku Yakobe,+
8 Mweniyo wasambusa jalawi kuja chithapwi cha maji,Jalawi lakulama kuja akasupi a maji.+
