Masalimo 110:1-7
Sumu yaku Davidi.
110 Yehova wangukambiya Ambuya kuti:
“Ja kujanja langu lamaryi+Mpaka po ndaŵikiya arwani ŵaku kuja chakukandapu maphazi ngaku.”+
2 Yehova watambasuwengi nthonga ya nthazi zaku kutuwa mu Ziyoni, ndipu wakambengi kuti:
“Luta pakati pa arwani ŵaku ukaŵathereski.”+
3 Ŵanthu ŵaku ajiperekengi mwakukhumbisiska pa zuŵa laku la nkhondu.*
Mu kupaturika kukulu, kutuliya munthumbu ya matandakucha,Yiwi we limoza ndi achinyamata wo ŵe nge dungwi.
4 Yehova walapizga ndipu wasinthengi cha maŵanaŵanu ngaki. Iyu wakamba kuti:
“Ndiwi wasembi kwamuyaya+Nge mo venge ndi Melekizedeki.”+
5 Yehova wajengi ku janja laku lamaryi;+Iyu watimbinyuwengi mafumu pa zuŵa la ukali waki.+
6 Iyu wayeruzgengi* mitundu;+Wazazengi charu ndi mathupi nga ŵanthu akufwa.+
Watimbinyuwengi mulongozgi* wa charu chisani.*
7 Iyu* wamwengi maji nga mumsinji wa mumphepeti mwa msewu.
Mwaviyo, wasoskiyengi mutu waki muchanya.
Mazu Ngam'mphata
^ Pamwenga kuti, “pa zuŵa lo asilikali ŵaku awungana pamoza.”
^ Pamwenga kuti, “wayeruzgengi pakati pa.”
^ Mazu ngaki chayingu, “mutu.”
^ Pamwenga kuti, “charu chosi chapasi.”
^ Kung’anamuwa “Ambuya” wo akambika muvesi 1.
