Masalimo 108:1-13

  • Pempheru lakuti athereska arwani

    • Utaski wakutuliya ku ŵanthu ngwaŵakaŵaka (12)

    • “Chiuta watiwovyengi kuti tisaniyi so nthazi” (13)

Sumu. Salimo laku Davidi. 108  Mtima wangu ngwakukho yimwi Chiuta. Ndimbengi kweniso ndipangengi sumu ndi umoyu wangu wosi.*+   Yuka yiwi chakumbiya chavingwi; yiwi bangu,* nawi yuka.+ Ndiyuskengi matandakucha.   Ndikuthamikeningi pakati pa ŵanthu yimwi Yehova;Ndimbengi sumu zakukuthamikani* pakati pa mitundu ya ŵanthu.   Pakuti chanju chinu chambula kumala ntchikulu, ntchapachanya nge kuchanya,+Ndipu kugomezgeka kwinu kufika mpaka kumitambu.   Mukwezeki kuluska kuchanya yimwi Chiuta;Unkhankhu winu uje pachanya pa charu chosi chapasi.+   Kuti ŵanthu wo mutiŵayanja ataskiki,Titaskeni ndi janja linu lamaryi, kweniso ndimukeni.+   Mu kupaturika kwaki,* Chiuta wakamba kuti: “Ndikondwengi, ndiperekengi Sekemu+ kuti waje chihara,Ndipu ndipimengi Dambu la* Sukoti.+   Giliyadi+ ngwangu, Manasi nayu ngwangu,Ndipu Efurayemu ntchisoti chakumutu kwangu;*+Yuda ndi nthonga ya mulongozgi wangu.+   Mowabu ndi beseni langu lakusambiyamu.+ Mu Edomu ndiponyengemu sapatu zangu.+ Kweniso ndidanirizengi mwakukondwa chifukwa cha kuthereska Filisitiya.”+ 10  Ndiyani yo walutengi nani kutawuni ya mpanda wakukho? Ndiyani yo wandilongozgengi mpaka ku Edomu?+ 11  Asi ndimwi Chiuta, yo watijowo,Chiuta widu yo wakuleka kuluta ku nkhondu ndi asilikali ŵidu?+ 12  Tiwovyeni pa suzgu yidu,+Pakuti utaski wakutuliya ku ŵanthu ngwaŵakaŵaka.+ 13  Chiuta watiwovyengi kuti tisaniyi nthazi,+Ndipu wakandengikandengi arwani ŵidu.+

Mazu Ngam'mphata

Mazu ngaki chayingu, “chinanga ndi unkhankhu wangu.”
Anyaki akamba kuti, “bangwi.”
Pamwenga kuti, “Ndipangengi sumu.”
Yapa pangafwatulikiya so kuti, “Mumalu ngaki ngakupaturika.”
Pamwenga kuti, “Chidika cha.”
Mazu ngaki chayingu, “ntchakuvikiliya mutu wangu.”