Masalimo 106:1-48
106 Thamikani Ya!*
Wongani Yehova, chifukwa iyu ngwamampha;+Chanju chaki chambula kumala ntchamuyaya.+
2 Kumbi ndiyani wangakonkhoska mwakukwana ntchitu za nthazi zaku YehovaPamwenga yo wangapharazga ntchitu zaki zosi zakuthamikika?+
3 Mbakukondwa wo achita vinthu mwaurunji,Wo nyengu zosi achita cho ntchakwenere.+
4 Mundikumbuki yimwi Yehova pa nyengu yo muchitiya lisungu ŵanthu ŵinu.+
Ndiphweriyeni ndi ntchitu zinu za utaski,
5 Kuti ndikondwi ndi umampha wo yimwi mulongo akusankhika ŵinu,+Kuti ndisekere limoza ndi mtundu winu,Kweniso kuti ndikuthamikeni mwalikondwa* limoza ndi chihara chinu.
6 Tabuda nge mo apapi ŵidu akali anguchitiya;+Tanangisa; tachita vinthu viheni.+
7 Apapi ŵidu akali anguzivwisa cha ntchitu zinu zakuziziswa ku Ijipiti.
Yiwu anguchikumbuka cha chanju chinu chikulu chambula kumala,Ndipu angukugarukiyani kunyanja, pa Nyanja Yiyera.+
8 Kweni Chiuta wanguŵataska chifukwa cha zina laki,+Kuti waziŵikisi nthazi zaki.+
9 Wanguchenya Nyanja Yiyera ndipu yingumira;Wanguŵajumphisa mundimba za nyanja yeniyi nge kuti ajumpha muchipalamba.*+
10 Wanguŵataska ku janja la munthu yo waŵatinkhanga+Ndipu wanguŵawombo ku janja la murwani.+
11 Maji ngangubenekere arwani ŵawu;Ndipu pengavi yo wangupona.*+
12 Pavuli paki, angugomezga layizgu laki;+Ndipu angwamba kumba sumu zakumuthamika.+
13 Kweni yiwu anguluwa liŵi vo Chiuta wanguchita;+Ulongozgi waki anguwulindizga cha.
14 Anguzomereza kulongozgeka ndi vo liŵavu lawu lakhumbanga muchipululu;+Yiwu anguyesa Chiuta muchipalamba.+
15 Iyu wanguŵapaska vo akhumbanga,Pavuli paki, wanguŵalanga ndi nthenda yo yinguŵamala.+
16 Mumsasa, angumuchitiya sanji MozesiKweniso Aroni,+ wakupaturika waku Yehova.+
17 Sonu charu chingujulika, ndipu chingumeza DataniKweniso chingubenekere wo anguwungana ndi Abiramu.+
18 Motu ungukole pakati pa gulu lawu;Mulipu wa motu ungupiriza ŵanthu aheni.+
19 Yiwu angupanga tholi* ku HorebuNdipu angujikamiya chikozgu chachisulu;*+
20 Angusinthisa unkhankhu wanguNdi chikozgu cha ng’ombi yinthulumi yo yiturya uteka.+
21 Yiwu angumuluwa Chiuta+ Mtaski wawu,Yo wanguchita vinthu vikulu mu Ijipiti,+
22 Yo wanguchita ntchitu zakuziziswa mucharu chaku Hamu,+Kweniso ntchitu zakuchitiska mantha pa Nyanja Yiyera.+
23 Chiuta wanguja kamanavi kulamula kuti apeyeki wosi,Kweni wakusankhika waki Mozesi wangumuŵeyere*
Kuti wawuwezi ukali waki wakuparanya.+
24 Pavuli paki, yiwu anguyuyuwa charu chamampha;+Kweniso ŵengavi chivwanu mu layizgu laki.+
25 Angulutirizga kudinginyika mumahema ngawu;+Ndipu angungavwiya cha mazu ngaku Yehova.+
26 Mwaviyo, Chiuta wangusoska janja laki ndipu wangulapizga vakukwaskana ndi yiwuKuti waŵachitiskengi kuti amaliyi muchipululu;+
27 Kweniso kuti mphapu yawu wayiwisengi pa masu pa mitundu,Ndipuso waŵambininiskiyengi muvyaru vosi.+
28 Nawu angwamba kusopa* Bala wa ku Piyori,+Ndipuso angwamba kurya sembi zakuperekeka ku ŵanthu akufwa.*
29 Yiwu angukwiyisa Chiuta ndi vakuchita vawu,+Ndipu pakati pawu pangubuka mulili.+
30 Kweni Finihasi wati wasoka ndi kuseleriyapu,Mulili wo ungumala.+
31 Ndipu Chiuta wangumuwona kuti wenga murunjiKu migonezi yosi mpaka muyaya.+
32 Yiwu angukwiyisa Chiuta pa maji nga ku Meriba,*Ndipu vinthu vingumuyende umampha cha Mozesi chifukwa chaku yiwu.+
33 Yiwu angukwiyisa mzimu waku Mozesi,Ndipu ndi milomu yaki, wangulongoro vinthu vambula kwenere.+
34 Yiwu anguŵabaya cha ŵanthu,+Nge mo Yehova wanguŵalamuliya.+
35 Kweni angusazgikana ndi ŵanthu amitundu+Ndipu angutoliyaku* nthowa zawu.+
36 Angulutirizga kusopa angoza ŵawu,+Ndipu venivi vinguja nge chiŵana kwaku yiwu.+
37 Yiwu aperekanga ŵana ŵawu anthulumiKweniso ŵana ŵawu anthukazi nge sembi ku viŵanda.+
38 Angulutirizga kudira ndopa zambula kunanga,+Ndopa za ŵana ŵawu anthulumi kweniso ŵana ŵawu anthukaziWo anguŵapereka nge sembi kwa angoza a ku Kanani;+Ndipu charu chingunangika chifukwa cha kudira ndopa.
39 Yiwu anguja akufipiskika chifukwa cha ntchitu zawu;Kweniso anguchita ureŵi mwauzimu chifukwa cha vakuchita vawu.+
40 Mwaviyo ukali waku Yehova ungukole pa ŵanthu ŵaki,Ndipu iyu wanguseruka ndi chihara chaki.
41 Waŵaperekanga mwakuwerezawereza ku ŵanthu amitundu,+Kuti ŵanthu wo aŵatinkhanga aŵalamuliyengi.+
42 Arwani ŵawu anguŵakandirizga,Ndipu yiwu ŵenga pasi pa nthazi zawu.*
43 Chiuta waŵataskanga kaŵikaŵi,+Kweni yiwu amugarukiyanga ndipuso alekanga kumuvwiya,+Ndipu asisikiyanga pasi chifukwa cha maubudi ngawu.+
44 Kweni Chiuta wawonanga masuzgu ngawu+Kweniso wavwanga kuliya kwawu kwakupempha chovyu.+
45 Ndipu iyu wakumbukanga phanganu laki chifukwa chaku yiwu,Kweniso waŵachitiyanga chitima* chifukwa cha chanju chaki chikulu chambula kumala.+
46 Iyu wachitiskanga kuti ŵanthu wosi wo aŵakonga ukapoluAŵalengiyengi lisungu.+
47 Titaskeni yimwi Yehova Chiuta widu,+Ndipu tiwunganiseni kutuliya ku ŵanthu amitundu+Kuti tiwongi zina linu lakupaturikaNdi kukondwa po titikuthamikani.+
48 Yehova Chiuta waku Isirayeli wathamikikiMuyaya mpaka muyaya.+
Ndipu ŵanthu wosi akambi kuti, “Ame!”*
Thamikani Ya!*
Mazu Ngam'mphata
^ Pamwenga kuti, “Aleluya!” “Ya” ndi mazu ngakudumuwa nga zina lakuti Yehova.
^ Pamwenga kuti, “kuti ndijiŵikemu.”
^ Pamwenga kuti, “muchipululu.”
^ Pamwenga kuti, “yo wangujaku.”
^ Tholi ndi mwana wa ng’ombi.
^ Pamwenga kuti, “chikozgu chachisulu chakusongono.”
^ Mazu ngaki chayingu, “wanguma pakati pa ŵanthu ndi Chiuta nge kuti wama pa chizenji cho chapankhuka.”
^ Pamwenga kuti, “angujibatika kwaku.”
^ Kung’anamuwa sembi zo zaperekekanga ku ŵanthu akufwa pamwenga kwa achiuta ambula umoyu.
^ Kung’anamuwa kuti, “Kupindana.”
^ Pamwenga kuti, “angusambira.”
^ Mazu ngaki chayingu, “janja lawu.”
^ Pamwenga kuti, “wasinthanga maŵanaŵanu.”
^ Pamwenga kuti, “Vije viyo!”
^ Pamwenga kuti, “Aleluya!” “Ya” ndi mazu ngakudumuwa nga zina lakuti Yehova.
