Masalimo 104:1-35
104 Ndithamikengi Yehova.+
Yimwi Yehova Chiuta wangu ndimwi mukulu.+
Mwavwala ulemu ndipuso unkhankhu.+
2 Mwakulungika ndi ukweru+ nge chakuvwala;Mutambasuwa kuchanya nge salu ya hema.+
3 Wazenga vipinda vaki vamuchanya pamaji ngakuchanya,*+Mitambu watiyisambusa galeta laki,+Wakwera pamapapa nga mphepu.+
4 Wapanga angelu ŵaki kuŵa mizimu,Ndipu ateŵeti ŵaki watiŵasambusa motu wakupiriza.+
5 Charu chapasi wachijalikiska pamafawundeshoni ngaki;+Chituzgikengepu* cha pamalu ngaki muyaya mpaka muyaya.+
6 Munguchibenekere ndi maji ngandimba nge kuti mwachibenekere ndi chakuvwala.+
Maji ngangukwera kuluska mapiri.
7 Mwati mwangachenya nganguthaŵa;+Nganguthaŵa mwamantha chifukwa cha kugululusa kwa mazu nginu
8 Pavuli paki, mapiri ngangukwera+ ndipu madambu ngangusika,Kuluta kumalu ngo yimwi mungunganozge.
9 Maji mungungaŵikiya mphaka kuti ngaleki kujumpha,+Ndi chilatu chakuti ngaleki kubenekere so charu.
10 Akasupi watiŵalongozge kumadambu;Ndipu atenda pakati pa mapiri.
11 Vinyama vosi vamudondu vitumwa maji ngakutuliya pa akasupi ŵenaŵa.Ndipu abulu amudondu nawu amalisa nyota yawu.
12 Viyuni vamude vizenga vizimbu vawu pachanya pawu;Vitumba pakati pa vimiti va mani ngakubiriŵira.
13 Chiuta wadiriya mapiri kutuliya muvipinda vaki vamuchanya.+
Charu chapasi chikhorwa ndi vipasu va ntchitu yaki.+
14 Wachitiska kuti uteka ume kuti ng’ombi ziryiKweniso vakume kuti ŵanthu avigwiriskiyi ntchitu,+Kuti chakurya chime mudongu
15 Ndipuso vinyu yo wakondwesa mtima wa munthu,+Mafuta ngo ngachitiska kuti chisku chiŵali,Kweniso chakurya cho chipaska nthazi mtima wa munthu.+
16 Vimiti vaku Yehova vikhorwa,Vimiti va sidara* va ku Lebanoni vo iyu wakupanda,
17 Mo viyuni vizenga vizimbu.
Nyumba ya kakoŵa+ ye muvimiti va junipa.
18 Mumapiri ngatalingatali ndimu muja mbuzi za mumapiri;+Ndipu mumajalawi ndimu mubisama mbira zamumajalawi.+
19 Wakupanga mwezi kuti ulongongi nyengu zakuŵikika;Ndipu lumwi liziŵa umampha nyengu yakuselere.+
20 Mupereka mdima, ndipu usiku utamba,+Pa nyengu yo nyama zosi zamudondu zitendatenda.
21 Nkharamu zimanazimana* zikoroma kuti zisaniyi nyama+Ndipu zipenja chakurya kutuliya kwaku Chiuta.+
22 Asani lumwi lituwa,Ziweku ndipu zigona munyumba zawu.
23 Munthu waluta ku ntchitu yaki,Ndipu wagwira ntchitu mpaka mazulu.
24 Ntchitu zinu zinandi ukongwa yimwi Yehova!+
Mukupanga vinthu vosi ndi zeru.+
Charu chapasi chazaza ndi vinthu vo yimwi mukupanga.
25 Mukupanga so nyanja, ndipu njikulu kweniso njisani,Mukati mwaki, mutendatenda vinthu vinandi vamoyu, vikuluvikulu kweniso vimanavimana.+
26 Sitima zitenda mwenimo,Ndipu Leviyatani*+ nayu yo yimwi mukupanga waseŵe mwenimo.
27 Vosi vitikulindizganiKuti muvipaski chakurya pa nyengu yaki.+
28 Viwunjika vo mutivipaska.+
Asani mwatambasuwa janja linu, vikhorwa ndi vinthu vamampha.+
29 Asani mwabisa chisku chinu, vitimbanyizgika.
Asani mwatuzgamu mzimu wawu vitufwa ndipu viwere kufuvu.+
30 Asani mwatumiza mzimu winu vilengeka,+Ndipu muweziyapu so charu.
31 Unkhankhu waku Yehova ngwamuyaya.
Yehova wakondwengi ndi ntchitu zaki.+
32 Walereska charu chapasi ndipu chinjekeme,Wako mapiri ndipu ngatololoka josi.+
33 Ndimbiyengi Yehova+ umoyu wangu wosi;Ndimbengi sumu zakuthamika* Chiuta wangu nyengu yosi yo ndijengi wamoyu.+
34 Maŵanaŵanu ngangu ngamukondwesengi.*
Ndikondwengi mwaku Yehova.
35 Ŵanthu akubuda amalengi pacharu chapasi,Ndipu ŵanthu aheni aŵengepu so cha.+
Ini ndithamiki Yehova. Thamikani Ya!*
Mazu Ngam'mphata
^ Mazu ngaki chayingu, “mumaji.”
^ Pamwenga kuti, “Chingandengandenga.”
^ Vimiti ivi viyananaku ndi vimiti va payina ndipu kali vasanirikanga ukongwa ku Lebanoni.
^ Pamwenga kuti, “nkharamu zimanazimana zanthazi.”
^ Wonani Mazu ngo Ngakonkhoskeka.
^ Pamwenga kuti, “Ndimupangiyengi sumu.”
^ Yapa pangafwatulikiya so kuti, “Vo ndilunguruka vakukwaskana ndi iyu vije vakukondwesa.”
^ Pamwenga kuti, “Aleluya!” “Ya” ndi mazu ngakudumuwa nga zina lakuti Yehova.
