Masalimo 101:1-8

  • Fumu yichita vinthu mwakugomezgeka

    • ‘Kujiŵikamu ndikuzomerezengi cha’ (5)

    • “Ndilereskengi ku ŵanthu akugomezgeka”  (6)

Sumu yaku Davidi. 101  Ndimbengi vakukwaskana ndi chanju chambula kumala kweniso urunji. Ndikumbiyeningi sumu zakukuthamikani, yimwi Yehova.  2  Ndichitengi vinthu mwazeru kweniso mwambula kafukwa.* Kumbi muzengi zuŵanji kwaku ini? Ndiyendengi munyumba mwangu ndi mtima wakugomezgeka.+  3  Pa masu pangu ndiŵikengepu cha chinthu chechosi chabwekabweka. Nditinkha vinthu vo ŵanthu wo akupetuka pa urunji achita;+Ndipu ŵanthu ŵenaŵa ndilivi nawu ntchitu.  4  Mtima wa chinyengu, we kutali ndi ini;Ndizomerengi* cha chinthu cho ntchiheni.  5  Weyosi yo wakamba vinthu viheni vakukwaskana ndi munyaki mwachisisi,+Ndimujalikengi cheti.* Weyosi yo we ndi masu ngakujikuzga kweniso mtima wakujiŵikamu,Ndimuzomerezengi cha.  6  Ndilereskengi ku ŵanthu akugomezgeka a pacharu,Kuti yiwu aje ndi ini. Munthu yo wachita vinthu mwambula kafukwa,* wanditeŵetiyengi.  7  Palivi munthu wachinyengu yo wajengi munyumba yangu,Kweniso palivi munthu waboza yo wamengi pa masu pangu.*  8  Mlenji wewosi ndiŵajalikengi cheti* ŵanthu aheni wosi a pacharu chapasi,Kuti ndidumuwemu wosi wo achita vinthu viheni mutawuni yaku Yehova.+

Mazu Ngam'mphata

^ Pamwenga kuti, “mwakugomezgeka.”
^ Mazu ngaki chayingu, “Ndichiziŵengi.”
^ Pamwenga kuti, “Ndimubayengi.”
^ Pamwenga kuti, “mwakugomezgeka.”
^ Mazu ngaki chayingu, “panthazi pa masu ngangu.”
^ Pamwenga kuti, “ndiŵabayengi.”
BAYIBOLU LA CHARU CHIFYA LA MALEMBA NGAKUPATURIKA
Masalimo 101
Chitonga (Malawi)
Ŵerengani Bayibolu pa Intaneti
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg

Mazaza pa buku ili