Uthenga Wamampha wo Ukulembeka ndi Luka 3:1-38

  • Yohane watamba ntchitu yaki (1, 2)

  • Yohane wapharazga ubatizu (3-20)

  • Yesu wabatizika (21, 22)

  • Mkoka waku Yesu Khristu (23-38)

3  Mu chaka cha 15 cha ulamuliru waku Kayisara Tiberiyo, pa nyengu yo Pontiyo Pilato wenga nduna ya ku Yudeya, Herodi*+ walamuliyanga chigaŵa cha* Galileya, mku waki Filipu walamuliyanga chigaŵa cha Itureya ndi cha Tirakoniti ndipu Lusaniyo walamuliyanga chigaŵa cha Abilene.  Mu nyengu yeniyi, Yohane+ mwana waku Zekariya wanguvwa mazu ngaku Chiuta we muchipululu,+ mu mazuŵa ngaku Anasi mura wa asembi kweniso ngaku Kayafa.+  Sonu wangwenda muchigaŵa chosi kuzunguliya Yorodani ndipu wapharazganga ubatizu nge chisimikizu cha kulapa kuti maubudi ngagowokereki.+  Nge mo vikulembeke mubuku la mchimi Yesaya kuti: “Mazu nga munthu yo wadaniriza muchipululu kuti: ‘Nozgani nthowa yaku Yehova!* Nyoloskani misewu yaki.+  Dambu lelosi liwundiki, mapiri ndi mitunthu viwundumuliki, misewu yosi yakugombeteke yinyoloskeki kweniso misewu yosi yakutundumukatundumuka yiyanisiki.  Ŵanthu wosi azamuwona utaski waku Chiuta.’”*+  Sonu wangwamba kukambiya chigulu cha ŵanthu wo azanga kuti waziŵabatizi kuti: “Ŵana a vipi yimwi, ndiyani yo wakutcheŵeskani kuti muthaŵi ukali wo utuza?+  Mwaviyo, pasani vipasu vakulongo kulapa. Mungakambanga cha kuti, ‘Te ndi awusefwi Abrahamu.’ Chifukwa nditikukambiyani kuti Chiuta wangayuskiya Abrahamu ŵana kutuliya ku mya iyi.  Nadi panu, mbavi yaŵikika kali pamisisi ya vimiti. Ndipu chimiti chechosi cho chileka kupasa vipasu vamampha, chidumulikengi ndi kuponyeka pamotu.”+ 10  Ndipu chigulu cha ŵanthu chafumbanga Yohane kuti: “Nanga tichitenji?” 11  Iyu wanguŵamuka kuti: “Munthu yo we ndi malaya ngaŵi* wagaŵiyeku munyaki yo walivi, ndipu yo we ndi chakurya, nayu so wagaŵiyeku munyaki yo walivi.”+ 12  Chinanga mbakusonkhesa msonkhu nawu anguza kuzibatizika+ ndipu angumukambiya kuti: “Msambizi, tichitenji?” 13  Iyu wanguŵakambiya kuti: “Mungalipirisanga* msonkhu wakujumpha wo ukuŵikika cha.”+ 14  Ndipu wo agwiranga ntchitu ya usilikali amufumbanga kuti: “Tichitenji?” Iyu wanguŵamuka kuti: “Mungasuzganga ŵanthu cha pamwenga kuŵamba mulandu waboza,+ kweni mukhorwengi ndi vo mulonde.”* 15  Ŵanthu alindizganga Khristu ndipu wosi aŵanaŵananga vakukwaskana ndi Yohane mumtima mwawu kuti, “Kumbi ndi Khristu cha uyu?”+ 16  Yohane wangumuka wosi kuti: “Ini nditikubatizani ndi maji, kweni yo watuza ngwanthazi kuluska ini, ndipu nde wakwenere cha kufwatuwa nthambu za sapatu zaki.+ Iyu wazakukubatizani ndi mzimu wakupaturika kweniso motu.+ 17  Iyu we ndi fosholu yakuwulusiya mwere mumanja mwaki kuti watowese limu malu ngaki ngakukhwemiyapu mbewu ndi kuŵika tirigu munkhokwi yaki, kweni mwere wazakuwuwotcha ndi motu wambula kuzimwika.” 18  Wanguŵachiska mu nthowa zakupambanapambana ndipuso wangulutirizga kupharazgiya ŵanthu uthenga wamampha. 19  Kweni pakuti Herodi yo walamuliyanga chigaŵa, wanguchenyeka ndi Yohane pa nkhani yaku Herodiya muwolu wa mku waki kweniso chifukwa cha vinthu vosi viheni vo wanguchita, 20  wangusazgiyapu so chinthu chinyaki chiheni ichi: Wangujaliya Yohane mujeri.+ 21  Sonu Yohane wangubatiza ŵanthu anandi ndipu Yesu nayu wangubatizika.+ Wachipemphera, kuchanya kungujulika,+ 22  ndipu mzimu wakupaturika wo wawonekanga nge nkhunda unguza paku iyu kweniso kuchanya kungutuwa mazu ngakuti: “Yiwi ndiwi Mwana wangu, mweniyo nditanja; utindikondwesa.”+ 23  Yesu+ wangwamba ntchitu yaki we ndi vyaka pafufupi 30.+ Ndipu nge mo ŵanthu aŵanaŵaniyanga, iyu wengamwana waku Yosefi,+mwana waku Heli, 24  mwana waku Matati,mwana waku Levi,mwana waku Melekayi,mwana waku Yanayi,mwana waku Yosefi, 25  mwana waku Matatiyo,mwana waku Amosi,mwana waku Nahumu,mwana waku Esili,mwana waku Nagayi, 26  mwana waku Maati,mwana waku Matatiyo,mwana waku Semeyi,mwana waku Yoseki,mwana waku Yoda, 27  mwana waku Yowanani,mwana waku Resa,mwana waku Zerubabeli,+mwana waku Salatiyeli,+mwana waku Neri, 28  mwana waku Melekayi,mwana waku Adi,mwana waku Kosamu,mwana waku Elimadamu,mwana waku Ere, 29  mwana waku Yesu,mwana waku Eliyezere,mwana waku Yorimu,mwana waku Matati,mwana waku Levi, 30  mwana waku Simiyoni,mwana waku Yuda,mwana waku Yosefi,mwana waku Yonamu,mwana waku Eliyakimu, 31  mwana waku Meliya,mwana waku Mena,mwana waku Matata,mwana waku Natani,+mwana waku Davidi,+ 32  mwana waku Jese,+mwana waku Obedi,+mwana waku Bowazi,+mwana waku Salimoni,+mwana waku Nashoni,+ 33  mwana waku Aminadabu,mwana waku Arini,mwana waku Hezironi,mwana waku Perezi,+mwana waku Yuda,+ 34  mwana waku Yakobe,+mwana waku Isaki,+mwana waku Abrahamu,+mwana waku Tera,+mwana waku Nahori,+ 35  mwana waku Serugi,+mwana waku Rewu,+mwana waku Pelegi,+mwana waku Ebere,+mwana waku Shela,+ 36  mwana waku Kayinani,mwana waku Aripakisadi,+mwana waku Shemu,+mwana waku Nowa,+mwana waku Lameki,+ 37  mwana waku Metusela,+mwana waku Enoki,mwana waku Yaredi,+mwana waku Mahalaliyeli,+mwana waku Kayinani,+ 38  mwana waku Enosi,+mwana waku Seti,+mwana waku Adamu,+mwana waku Chiuta.

Mazu Ngam'mphata

Uyu ndi Herodi Antipasi. Wonani Mazu ngo Ngakonkhoskeka.
Mazu ngaki chayingu, “wenga tetiraki wa.”
Pamwenga kuti, “nthowa yakutaskiya yaku Chiuta.”
Pamwenga kuti, “laya linyaki.”
Pamwenga kuti, “Mungalondiyanga.”
Pamwenga kuti, “ndi malipiru nginu.”