Hoseya 6:1-11

  • Apempheka kuti awere kwaku Yehova (1-3)

  • Alongo chanju chambula kumala kwa nyengu yimanavi (4-6)

    • Chanju chambula kumala chiluska sembi (6)

  • Ŵanthu alongo jalidu lakuchitiska soni (7-11)

6  “Zani, tiyeni tiwere kwaku Yehova,Pakuti iyu watipaluwapaluwa,+ kweni wazakutichizga. Wangutipweteka, kweni wazamumanga vilonda vidu.   Asani pajumpha mazuŵa ngaŵi, wazakutipaska nthazi. Pa zuŵa lachitatu wazakutiyuska,Ndipu tazamuja ndi umoyu pa masu paki.   Tazamuziŵa, tazamufwiyapu kuti tiziŵi Yehova. Iyu watondekengi cha kuza nge matandakucha;Wazamukuza kwaku isi nge vuwa yo yituwa,Nge vuwa yakumaliya yo yizumbwisa charu.”   “Kumbi ndichitenji nawi yiwi Efurayemu? Ndichitenji nawi yiwi Yuda? Pakuti chanju chinu chambula kumala che nge mitambu ya kumlenji,Che nge dungwi lo liswera cha kukamuka.   Ndichu chifukwa chaki ndazakuŵadumuliya pasi mwakugwiriskiya ntchitu achimi;+Ndazakuŵabaya ndi mazu nga mumulomu mwangu.+ Ndipu vyeruzgu vangu vazamuŵala paku yiwi nge ukweru.+   Pakuti ndikondwa ndi sembi cha, kweni ndikondwa ndi chanju chambula kumala,*Ndipuso ndikondwa ndi sembi zakupiriza zamphumphu cha, kweni ndikondwa ndi kuziŵa Chiuta.+   Kweni yiwu nge ŵanthu ŵaka, aswa phanganu.+ Agomezgeka cha kwaku ini.   Giliyadi ndi tawuni ya ŵanthu wo achita vinthu viheni,+Tawuni yo yazaza ndi kudira ndopa.+   Gulu la asembi le nge gulu la vigeŵenga lo likhaza ŵanthu. Abaya ŵanthu pa nthowa ku Sekemu,+Pakuti jalidu lawu ndakuchitiska soni. 10  Ndawona vinthu vaukazuzi vo vichitika munyumba yaku Isirayeli. Mwenimo ndimu Efurayemu wachitiya uhuli;+Isirayeli wajifipiska.+ 11  Kweniso yiwi Yuda, nyengu yakuti uvuniki yaŵikika,Nyengu yo ndazamuwunganisa so ŵanthu ŵangu wo akutoleke ku ukapolu.”+

Mazu Ngam'mphata

Pamwenga kuti, “ndikondwa ndi lisungu.”