Amosi 8:1-14

  • Chiwona cha sokola ya vipasu va muchihanya (1-3)

  • Ŵanthu akukandirizga asuskika (4-14)

    • Nja ya mazu ngaku Chiuta (11)

8  Ivi ndivu Yehova, Ambuya Fumu Yikulu wangundilongo: Awonani! Ndinguwona sokola ya vipasu va mu chihanya.  Pavuli paki, wangundifumba kuti, “Uwonanji Amosi?” Ndingumuka kuti, “Ndiwona sokola ya vipasu va mu chihanya.” Pavuli paki, Yehova wangundikambiya kuti: “Umaliru wa ŵanthu ŵangu Ayisirayeli wafika. Ndiŵagowokiyengi so cha.+  ‘Sumu za munyumba yakusopiyamu zazamusambuka chitenje mu zuŵa lo,’+ Yehova, Ambuya Fumu Yikulu ndiyu wakamba. ‘Mathupi nganandi nga ŵanthu ngazamuponyeka peposi.+ Kwazamukuŵa kuti yii!’   Vwani ivi, yimwi mukandirizga akavuKweniso yimwi mumala ŵanthu akufwasa a mucharu ichi,+   Yimwi mukamba kuti, ‘Kumbi phwandu la mwezi wufya limalengi nyengu wuli,+ kuti tigulisi mbewu zidu,Kweniso Sabata+ limalengi nyengu wuli, kuti tigulisi mbewu? Kuti tiwezeku mwesu wa efa*Ndipuso tisazgiyeku mwesu wa sekeli,*Kuti tisinthi masikelu ngidu ndi chilatu chakuti tibiyengi ŵanthu;+   Kuti tiguli ŵanthu akusuzgika ndi silivaKuti tiguli akavu ndi sapatu,+Kweniso kuti tigulisi mbewu zabwekabweka.’   Yehova yo Nkhumalika kwaku Yakobe+ walapizga kuti,‘Ndazamuluwa cha ntchitu zawu zosi.+   Pa chifukwa chenichi charu chazamunjekeme,Ndipu munthu weyosi wa mucharu cho wazamuliya.+ Asi charu cho chazamuyuka nge msinji wa Nayelu,Ndipuso chazamututuma ndi kuphwa nge msinji wa Nayelu wa ku Ijipiti?’+   ‘Mu zuŵa lo,’ Yehova, Ambuya Fumu Yikulu ndiyu wakamba,‘Ndazamuchitiska kuti lumwi lizisere msana pakati,Kweniso ndazamuchitiska kuti mucharu cho muzije mdima lumwi le nyee.+ 10  Maphwandu nginu ndazakungasambusa kuliya+Ndipu sumu zinu zosi ndazakuzisambusa sumu zakumba pakuliya. Munthu weyosi ndazakumuvwalika chigudulu muchiwunu kweniso munthu weyosi ndazakumumeta phala;Ndazamuchitiska kuti vizije nge mo viŵiya asani ŵanthu aliya nyifwa ya mwana wawu yumoza pe,Ndipu zuŵa la phwandu lazamumala nge zuŵa la vakuŵaŵa.’ 11  ‘Awonani! Mazuŵa ngatuza,’ Yehova, Ambuya Fumu Yikulu ndiyu wakamba,‘Po ndazamutuma nja mucharu,Nja ya chiŵandi cha pamwenga nyota ya maji,Kweni nja ya kuvwa mazu ngaku Yehova.+ 12  Yiwu azamumbendyambendya kutuwa kunyanja mpaka kunyanjaKweniso kutuwa kunkhondi* mpaka kuvuma.* Yiwu azamukwendakwenda kupenja mazu ngaku Yehova, kweni azakungasaniya cha. 13  Mu zuŵa lo, amwali akutowa kweniso anyamata,Azamukufwa chipoyu chifukwa cha nyota; 14  Wo alapizga mu zina la achiuta aboza a ku Samariya+ ndipuso wo akamba kuti,“Nge mo chiuta waku waliri wamoyu, yiwi Dani!”+ Kweniso, “Nge mo nthowa ya ku Beresheba+ yiliri yamoyu!” Yiwu azamukuwa ndipu azamuyuka so cha.’”+

Mazu Ngam'mphata

Anyaki akamba kuti, “kumpotu.”
Pamwenga kuti, “ko kutuliya lumwi.”