Julani

Lutani pa vo ve mukati

 B1

Uthenga wa mu Bayibolu

WONANI

Yehova Chiuta ndiyu ngwakwenere kulamuliya ndipu ulamuliru waki ngwamampha ukongwa. Vo Chiuta wakhumba kuchitiya ŵanthu pacharu chapasi vazamufiskika.

Pavuli pa 4026 B.C.E.

“Njoka” yingukayikiya mo Yehova walamuliya ŵanthu kweniso kuti ngwakwenere cha kulamuliya. Ndipu Yehova wangulayizga kuti wayuskengi “mphapu” pamwenga “mbewu,” yo kunthazi yazamutuzgiyapu limu njoka, yo ndi Satana. (Genezesi 3:1-5, 15, mazu ngamumphata) Kweni Yehova wazomereze dala kuti ŵanthu ajilamuliyi kwa nyengu yitali mwakulongozgeka ndi njoka.

1943 B.C.E.

Yehova wakambiya Abrahamu kuti “mphapu” yakulayizgika, yazamutuliya mu ŵana ŵaki.—Genezesi 22:18.

Pavuli pa 1070 B.C.E.

Yehova wasimikiziya Fumu Davidi, pavuli paki mwana waki Solomoni kuti “mphapu” yakulayizgika yazamutuliya mu banja lawu.—2 Samuyeli 7:12, 16; 1 Mafumu 9:3-5; Yesaya 9:6, 7.

29 C.E.

Yehova wakamba kuti Yesu ndiyu “mphapu” yakulayizgika yo yazamuja pampandu waufumu waku Davidi.—Agalatiya 3:16; Luka 1:31-33; 3:21, 22.

 33 C.E.

Satana, yo ndi njoka, wachitiska kuti Yesu wabayiki kuti watimbanyizgi “mphapu” yakulayizgika. Kweni Yehova wayuska Yesu kuti wakaje ndi umoyu kuchanya ndipu Yehova walonde mtengu wa umoyu wakufikapu waku Yesu. Umoyu wenuwu uchitiska kuti ŵanthu agowokerekengi maubudi kweniso kuti ŵana aku Adamu azilonde umoyu wamuyaya.—Genezesi 3:15; Machitidu 2:32-36; 1 Akorinto 15:21, 22.

Cha mu 1914 C.E.

Yesu waponya Satana pacharu chapasi kuti waje penipo kwa kanyengu kamanavi.—Chivumbuzi 12:7-9, 12.

Kunthazi

Yesu wamanga Satana kwa vyaka 1,000, pavuli paki waphwanya mutu waki kung’anamuwa kuti watimubaya. Yapa sonu, khumbu laku Yehova lakwamba lakukwaskana ndi charu chapasi lifiskika, zina laki litoweseka ndipu ivi vilongo kuti iyu ngwakwenere nadi kulamuliya.—Chivumbuzi 20:1-3, 10; 21:3, 4.