Chivumbuzi 4:1-11

  • Chiwona chakulongo Yehova we kuchanya (1-11)

    • Yehova waja pampandu waki waufumu (2)

    • Ŵara 24 pamipandu yaufumu (4)

    • Vamoyu vinayi (6)

4  Pavuli paki ndingulereska, ndipu awonani! khomu lakuchanya lingujulika, ndipu mazu ngakwamba ngo ndinguvwa ngachilongoro nani nge kuliya kwa mbata ngenga ngakuti: “Kwere kunu, ndipu ndikulongongi vinthu vo vitenere kuchitika.”  Pavuli pa venivi, mwaliŵiliŵi ndingwamba kulongozgeka ndi nthazi ya mzimu, ndipu awonani! mpandu waufumu wenga pamalu ngaki kuchanya ndipu munthu munyaki wangujapu.  Ndipu mweniyo wanguja pampandu waufumu wo, wawonekanga nge mwa wa jaspa ndipuso nge mwa wa sadiyasi,* ndipu kuzunguliya mpandu waufumu wo, penga chiŵingavuwa chakuwoneka nge mwa wa emeradi.  Kuzunguliya mpandu waufumu wosi wo, penga mipandu yaufumu 24, ndipu ndinguwona pamipandu yeniyi paja ŵara 24, wo anguvwala malaya ngatuŵa ndipuso visoti* vagolidi kumutu kwawu.  Kumpandu waufumu wo, kwang’animanga malimphezi, kwavwikanga mazu ndipuso kwagululusanga; ndipu penga so nyali 7 za motu zo zakoliyanga panthazi pa mpandu waufumu. Nyali zenizi zimiya mizimu 7 yaku Chiuta.  Panthazi pa mpandu wo, penga chinthu chakuwoneka nge nyanja yange gilasi, yange mwa wasangalawi. Pakati pa mpandu waufumu kweniso kuzunguliya mpandu wo, penga vamoyu vinayi vo venga ndi masu liŵavu losi kunthazi ndi kuvuli.  Chamoyu chakwamba chenga nge nkharamu, chamoyu chachiŵi chenga nge tholi linthulumi, chamoyu chachitatu chenga ndi chisku change cha munthu, ndipu chamoyu chachinayi chenga nge nkhwazi yo yiphululuka.  Ndipu vamoyu vinayi vo, chechosi chenga ndi mapapa 6; venga ndi masu liŵavu losi mpaka kusi kwa mapapa. Ndipu msana ndi usiku vakambanga kuti: “Wakupaturika, wakupaturika, wakupaturika ndi Yehova Chiuta, Wanthazizosi, yo wengaku, yo waliku ndipuso yo watuza.”  Nyengu yosi yo vamoyu vikankhuska, kutumbika ndi kuwonga Yo waja pampandu waufumu, Yo waliku muyaya mpaka muyaya, 10  ŵara 24 agwada panthazi paku Yo waja pampandu waufumu ndi kusopa Yo waliku muyaya mpaka muyaya ndipu aponya visoti vawu panthazi pa mpandu waufumu ndi kukamba kuti: 11  “Wakwenere ndimwi Yehova Chiuta widu kulonde unkhankhu, ulemu ndipuso nthazi, chifukwa mukulenga vinthu vosi, ndipu chifukwa cha khumbu linu vikuŵaku kweniso vikulengeka.”

Mazu Ngam'mphata

Pamwenga kuti, “mwa uyera wakudula.”
Visoti ivi, ndi mphotu zo ŵanthu alonde pa maphara.