1 Yohane 1:1-10

  • Mazu ngakupaska umoyu (1-4)

  • Kwenda mu ukweru (5-7)

  • Kukhumbika kwa kusumuwa maubudi (8-10)

1  Yo wengaku kutuliya pakwamba, yo tamuvwa, yo tamuwona ndi masu ngidu, yo tamuwonesesa ndipuso yo manja nginu ngamukwaska, yo watuza ndi mazu ngakupaska umoyu,  (umoyu wenuwu unguwoneke, ndipu isi tawona, tijaliya ukaboni kweniso titikukambiyani vakukwaskana ndi umoyu wamuyaya wo wenga ndi Ada ndipu unguwoneke so kwaku isi),  yo isi tawona ndi kuvwa, ndiyu so titikukambiyani, kuti yimwi namwi mukoliyani nasi. Ndipu isi tikoliyana so ndi Ada limoza ndi Mwana wawu Yesu Khristu.  Ndipu titikulembiyani vinthu venivi kuti likondwa lidu lifiskiki.  Uthenga wo tikuvwa kwaku iyu ndipuso wo titikupharazgiyani ngwakuti: Chiuta mbukweru, ndipu mwaku iyu mulivi mdima wewosi.  Asani tikamba kuti, “Tikoliyana ndi iyu,” kweni tilutirizga kwenda mu mdima, ndikuti tipusika ndipuso tichita vinthu mwakukoliyana ndi uneneska cha.  Kweni asani titenda mu ukweru nge mo iyu waliri mu ukweru ndikwesa te akukoliyana, ndipu ndopa za Mwana waki Yesu zitititowesa ku maubudi ngosi.  Asani tikamba kuti, “Tilivi ubudi,” titijilandizga ndipu mwaku isi mulivi uneneska.  Asani tisumuwa maubudi ngidu, iyu ngwakugomezgeka ndipuso ndi murunji, ndipu ngwakunozgeka kutigowoke maubudi ngidu ndi kutitowesa ku vinthu vosi vambula urunji. 10  Asani tikamba kuti, “Tabuda cha,” ndikuti tikamba kuti iyu ngwaboza ndipu mwaku isi mulivi mazu ngaki.

Mazu Ngam'mphata