Julani

Lutani pa menyu yachiŵi

Akaboni aku Yehova

Chitonga (Malawi)

Layibulare Yakwenda Nayu

Layibulare Yakwenda Nayu

Pa 7 October 2013, Akaboni aku Yehova angutuzga pulogilamu yakuŵerenge kweniso kusambiriya Bayibolu yo yidanika kuti JW Library. Pulogilamu yawezi yeniyi ye so ndi Mabayibolu nganyaki 6 nga Chingelezi kusazgapu la King James Version ndipuso la New World Translation of the Holy Scriptures lo likunozgeka so mu 2013. *

Ntchifukwa Wuli Layibulare Iyi Yingupangika?

Ŵanthu mamiliyoni nganandi agwirisiya ntchitu mafoni ngapachanya, matabuleti pamwenga vipangizu vinyaki. Pakuti pa webusayiti ya jw.org pasanirika vipangizu vakuŵerenge kweniso kusambiriya Bayibolu, sonu ntchifukwa wuli tikupanga so JW Library?

Chakwamba, asani munthu wapanga dawunilodi layibulare iyi ndi kuyiŵika mu chipangizu chaki, wakhumbika so intaneti cha kuti wajuli. Chachiŵi, layibulare iyi yikupangika munthowa yakuti yo watiyigwirisiya ntchitu waleki kusuzgika kusaniya ndipuso kujula malemba. Kumbi venivi vichitika wuli?

JW Library Yitovya Pakusambira Bayibolu

Asani munthu wajula JW Library kakwamba, yitimulongo mazina nga mabuku nga m’Bayibolu. Asani munthu wabofo pa buku lelosi la m’Bayibolu, pajulika peji linyaki lo lija ndi machaputala nga buku lo. Pavuli paki, munthu wangasankha vesi lo wakhumba. Pa layibulare iyi pe so vinthu vinyaki vinandi vo munthu wangagwirisiya ntchitu pakusambira Bayibolu. Bayibolu la pa JW Library le ndi vinthu ivi:

  • Mazu nga mumphata ngo ngatovya munthu kuziŵa nthowa yinyaki yo lemba lo latingi lilembekiyengi pamwenga vo vachitikanga achilemba lemba lo

  • Malemba nganyaki ngo nge ndi fundu yakuyanana waka ndi lemba lo mwajula

  • Kachipangizu kakufufuziya ko katovya munthu kusaniya lemba lelosi lo pe mazu ngo walemba pakufufuza

  • Fundu zo zija kukwamba kwa buku lelosi la m’Bayibolu zo zikonkhosa vakukwasana ndi buku lo

  • Tchati cho chilongo yo wakulemba buku lelosi la m’Bayibolu, ko lalembikiyanga, nyengu yo lingulembeke kweniso utali wanyengu yo lingulembeke

  • Mapu kweniso vithuzi va vinthu vakupambanapambana

Mwakuyanana ndi mabuku nganyaki ngosi nga Akaboni aku Yehova, JW Library njawezi. Kweni ŵanthu angapereka ndalama kuti ziwovyi pa ntchitu iyi mwakukhumba ŵija. Pulogilamu iyi, yapangika kali dawunilodi maulendu ngakujumpha 1 miliyoni. (2 Ŵakorinte 9:7) Yesani kuyigwirisiya ntchitu ndipu muyanduwengi ukongwa!

^ ndimi 2 Mu January 2014, pulogilamu iyi yingunozgeka so. Sonu pasanirika so Lemba la zuŵa ndipuso buku la sumu lo ligwirisikiya ntchitu ndi Akaboni aku Yehova.

Ziŵani Vinandi

PEMPHANI SAMBIRU LA BAYIBOLU

Nchifukwa Wuli Tikhumbika Kusambira Bayibolo?

Bayibolo litovya ŵanthu anandi kusaniya kwamuka kwa mafumbu ngo ngatitisuzga pa umoyu. Kumbi mungayanja kusaniya kwamuka kwa mafumbu ngenanga?