Julani

Lutani pa menyu yachiŵi

Akaboni aku Yehova

Chitonga (Malawi)

Webusayiti ya JW.ORG Sonu Yisanirika mu Vineneru Vakujumpha 300!

Webusayiti ya JW.ORG Sonu Yisanirika mu Vineneru Vakujumpha 300!

Asani mwabofo pa chineneru cha peji la jw.org lo mwajula, patuza mundandanda wa vineneru vakujumpha 300. Kweni ndimu viliri cha ndi mawebusayiti nganyaki!

Kumbi chiŵerengeru chenichi chipambana wuli ndi cha mawebusayiti nganyaki ngakuziŵika umampha? Wonani vakuyeruzgiyapu ivi: Mu July 2013, webusayiti ya United Nations yasanirikanga mu vineneru 6. Webusayiti ya European Union yo yiziŵika kuti Europa, yasanirikanga mu vineneru 24. Webusayiti ya Google yasanirikanga mu vineneru 71 ndipu ya Wikipedia yasanirikanga mu vineneru 287.

Pakhumbika nyengu kweniso phamphu kuti webusayiti yifwatulikiyi mu vineneru vakujumpha 300! Ntchitu yeniyi yigwirika mu vyaru vakupambanapambana ndi Akaboni aku Yehova wo akhumba kuti Yehova watumbikikengi. Yiwu agwira ntchitu mu timagulu ndipu agwirisiya ntchitu malusu ngawu pakufwatuliya webusayiti yeniyi kutuwa mu Chingelezi.

Webusayiti ya JW.ORG ye ndi mapeji nganandi ngo nge ndi vinthu vakupambanapambana vo vifwatulikiya mu vineneru vakujumpha 300. Mapeji ngosi pamoza ngalipu nganandi ukongwa chifukwa ngajumpha 200,000!

Webusayiti ya JW.ORG yisanirika mu vineneru vinandi pe cha kweni njakutchuka so. Fundu iyi njauneneska ndipu yikoliya ndi kafukufuku wa kampani ya Alexa yo yiwona mo vinthu va pa Intaneti vitende pa charu chosi chapasi. Kafukufuku wa kampani iyi wagaŵa mawebusayiti m’magulu ndipu pa gulu lakuti “Visopa ndipuso Vinthu va Uzimu” pe mawebusayiti 87,000. Mawebusayiti yanga ngasazgapu nga visopa vakutchuka, ngaku wo asindikiza vinthu vavisopa kweniso nga mawupu nganyaki nga visopa. Mu July 2013, webusayiti ya jw.org ndiyu yenga yachiŵi mu gulu ili! Webusayiti yo yenga yakwamba njabizinesi, ndipu yigulisa Mabayibolu ngavineneru vakupambanapambana pa intaneti.

Mu October 2013, zuŵa lelosi pa jw.org paserenga ŵanthu akujumpha 890,000. Tilutirizengi kugaŵiya ŵanthu a vineneru vosi uthenga wa m’Bayibolu kwawezi.