Julani

Kumbi Wupu Wakulongozga wa Akaboni aku Yehova Ntchinthu Wuli?

Kumbi Wupu Wakulongozga wa Akaboni aku Yehova Ntchinthu Wuli?

Wupu Wakulongozga nkhagulu kamana ka Akhristu akukhwima wo alongozga ntchitu ya Akaboni aku Yehova pacharu chosi chapasi. Ntchitu ya Wupu Wakulongozga yikugaŵika paŵi:

Wupu Wakulongozga uchita vinthu nge mo “akutumika ndi ŵara ku Yerusalemu” achitiyanga mu nyengu ya akutumika. Yiwu asankhanga vinthu mumalu mwa mpingu wosi wachikhristu. (Machitidu 15:2) Nge mo venge ndi akutumika kweniso ŵara, abali a mu Wupu Wakulongozga alongozgeka ndi fundu za mu Bayibolu ndipu aziŵa kuti Yehova Chiuta wakusankha Yesu Khristu kuŵa Mutu wa mpingu.​—1 Akorinto 11:3; Aefeso 5:23.

Kumbi mbayani wo ŵe mu Wupu Wakulongozga?

Kufika mu January 2018, mu Wupu Wakulongozga mwe abali yaŵa: Kenneth Cook, Jr., Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, ndi David Splane. Yiwu ateŵete kulikulu lidu lapacharu chosi ku Warwick, New York, U.S.A.

Kumbi Wupu Wakulongozga ugwira wuli ntchitu yaki?

Wupu Wakulongozga ukujalikiska makomiti 6 ngo ngawonere ntchitu zidu zakupambanapambana. Mubali weyosi wa mu Wupu Wakulongozga wateŵete mu komiti yimoza pamwenga nganandi.

  • Komiti ya Akukumaniska: Yiphwere nkhani zakukwaskana ndi marangu kweniso ngozi zachilengedu. Yitovya asani Akaboni aku Yehova atombozgeka chifukwa cha chivwanu chawu kweniso yiphwere nkhani zinyaki zakukwaskana ndi Akaboni aku Yehova.

  • Komiti Yakuwonere Ateŵeti a pa Beteli: Yiwonere vinthu vakukwaskana ndi ŵanthu wo ateŵete pa Beteli.

  • Komiti Yakuwonere Ntchitu Yakusindikiza Mabuku: Yiwonere ntchitu yakupanga mabuku ngakukonkhoska Bayibolu ndi kungatumiza. Yiwonere so ntchitu yakuzenga malu ngakuchitiyapu maunganu, maofesi ngakufwatuliyaku mabuku kweniso maofesi nga nthambi.

  • Komiti Yakuwonere Uteŵeti: Yiwonere ntchitu yidu yakupharazga ‘uthenga wamampha wa Ufumu.’​—Mateyu 24:14.

  • Komiti Yakuwonere Ntchitu Yakusambiza: Yilongozga pa ntchitu yakunozga chakurya chauzimu cho chiperekeka kuziya mu maunganu, sukulu, vinthu vakuvwisiya kweniso mavidiyo.

  • Komiti Yakuwonere Ntchitu Yakulemba Mabuku: Yilongozga pa ntchitu yakunozga chakurya chauzimu cho chiperekeka kuziya mumabuku ngakusindikiza kweniso kuziya pa webusayiti yidu. Yiwonere so ntchitu yakufwatuliya.

Kusazgiyapu pa ntchitu zenizi, Wupu Wakulongozga ukumana sabata yeyosi kuti ukambiskani vinthu vinyaki vakukwaskana ndi Akaboni aku Yehova. Asani akumana, abali a mu Wupu Wakulongozga akambiskana vo Malemba ngakamba, azomereza kuti mzimu wakupaturika waku Chiuta uŵalongozgi ndipu asankha vinthu mwakukoliyana.​—Machitidu 15:25.

Kumbi wo atovya Wupu Wakulongozga mbayani?

Yaŵa mbakhristu akugomezgeka wo atovya mu makomiti nga Wupu Wakulongozga. (1 Akorinto 4:2) Yiwu ŵe ndi lusu kweniso atitiziŵa umampha ntchitu za komiti yo ateŵetiyamu ndipu sabata yeyosi aŵapu pa nkhumanu ya komiti yo ateŵetiyamu. Chinanga kuti abali wo atovya asankhaku cha vakuchita, yiwu apereka masachizgu ngakovya, akonkhoska fundu zinyaki zakukhumbika, agwiriskiya ntchitu vo komiti yakoliyana, awona mo vinthu vo komiti yasankha vigwiriya ntchitu kweniso mo vinthu vilutiya panthazi. Nyengu zinyaki, Wupu Wakulongozga utiŵatuma muvyaru vakupambanapambana kuti akayende abali ndi azichi. Utiŵapaska so nkhani kuti akambi pa unganu wapachaka kweniso pa mwambu wakumaliza masambiru nga sukulu ya Giliyadi.

ABALI WO ATOVYA WUPU WAKULONGOZGA

Komiti

Zina

Ya Akukumaniska

  • Ekrann, John

 

Yakuwonere Ateŵeti a pa Beteli

  • Grizzle, Gerald

  • LaFranca, Patrick

  • Molchan, Daniel

  • Walls, Ralph

 

Yakuwonere Ntchitu Yakusindikiza Mabuku

  • Adams, Don

  • Butler, Robert

  • Corkern, Harold

  • Glockentin, Gajus

  • Gordon, Donald

  • Luccioni, Robert

  • Reinmueller, Alex

  • Sinclair, David

 

Yakuwonere Uteŵeti

  • Breaux, Gary

  • Dellinger, Joel

  • Hyatt, Seth

  • Mavor, Christopher

  • Perla, Baltasar, Jr.

  • Turner, William, Jr.

  • Weaver, Leon, Jr.

 

Yakuwonere Ntchitu Yakusambiza

  • Curzan, Ronald

  • Flodin, Kenneth

  • Malenfant, William

  • Noumair, Mark

  • Schafer, David

 

Yakuwonere Ntchitu Yakulemba Mabuku

  • Ciranko, Robert

  • Mantz, James

  • Marais, Izak

  • Myers, Leonard

  • Smalley, Gene

  • van Selm, Hermanus