Julani

Lutani pa menyu yachiŵi

Akaboni aku Yehova

Chitonga (Malawi)

Kumbi Ndalama zo Akaboni aku Yehova Atendeske Nchitu Yawu Zituliya Pani?

Kumbi Ndalama zo Akaboni aku Yehova Atendeske Nchitu Yawu Zituliya Pani?

Nchitu yidu yakupharazga yitendeskeka ndi vakupereka vawanangwa vo Akaboni aku Yehova apereka. Pa maunganu ngidu tilipiriska cha, pamwenga kwendeska mbali yampasku. Ndipuso tilivi buku la mapanganu pamwenga vachitchumi. (Mateyu 10:7, 8) M’malu mwaki pa maunganu ngidu paŵikika mabokosi ngo munthu weyosi yo wakhumba kovya ndi ndalama yeyosi waponyamu. Tizumbuwa cha mazina nga ŵanthu wo apereka ndalama.

Ndalama zo tisaniya zikwana kwendeske nchitu yidu chifukwa tilivi aliska wo alipirika. Ndipuso Akaboni alipirika cha pa nchitu yakupharazga kunyumba ndi nyumba. Malu ngidu ngakusopiyamu nangu, ngaja ngakulu pamwenga ngakutowa mwakujumpha mwesu cha kuti ngamali ndalama.

Vakupereka vo vitumizgika ku ofesi ya Akaboni aku Yehova, vigwiriskikiya nchitu pakovya ŵanthu wo asuzgika chifukwa cha masoka ngachilengedu, kovya amishonale ndi akuwonere madera, kuzenge nyumba zakusopiyamu m’vyaru vo vikwera ŵaka sonu pa chuma. Zinyaki zigwiriskikiya nchitu yakusindikiza ndi kutumizga Mabayibolo ndi mabuku ngachikhristu.

Ŵanthu wosi asankha ŵija kuti apereki ndalama zakulipiriya vinthu vakukwaskana ndi mpingu wawu pamwenga za nchitu yakupharazga yo yichitika pacharu chosi. Munthu wangasankha so kupereka ndalama zakovye pa nchitu zosi ziŵi. Mwezi ndi mwezi mpingu wewosi uziŵiska ŵanthu a mumpingu wo, lipoti lakukonkhoska mo ndalama zagwiriskikiya nchitu.

 

Ziŵani Vinandi

CHIGONGWI CHA ALINDA—CHAKUSAMBIRA

“Ntchitu Njikulu”

Mwe ndi mwaŵi wakuwovyaku ntchitu yeniyi.

CHIGONGWI CHA ALINDA—CHAKUSAMBIRA

Muwongengi vo Yehova Watikupasani

Bayibolu likonkhoska vilatu viheni ndi vamampha vo ŵanthu apereke nyengu, nthazi ndi vinthu vawu.

MAFUMBU NGO ŴANTHU AFUMBA KAŴIKAŴI

Kachigaŵa ka Vidiyo: Mo Akaboni aku Yehova Asaniriya Ndalama Zakwendeske Ntchitu Yawu

Ziŵani mo tisaniriya ndalama zakovye pa ntchitu ya pacharu chosi.