Julani

Lutani pa menyu yachiŵi

Akaboni aku Yehova

Chitonga (Malawi)

Nchifukwa Wuli Akaboni aku Yehova Aleka Kuchitaku Nkhondu?

Nchifukwa Wuli Akaboni aku Yehova Aleka Kuchitaku Nkhondu?

Akaboni aku Yehova achitaku cha nkhondu pavifukwa ivi:

  1. Avwiya Chiuta. Bayibolo likamba kuti ateŵeti aku Chiuta “azamsula malipanga ngawu kuŵa vakulimiya” ndipu “chinanga nkhusambira so nkhondu naku cha.”Yesaya 2:4.

  2. Avwiya Yesu. Yesu wangukambiya wakutumika Petro kuti: “Wezga lipanga laku m’malu ngaki: chifukwa wosi ŵakuto lipanga ŵanangikengi ndi lipanga.” (Mateyu 26:52) Yapa Yesu walongonga kuti Akusambira ŵaki atenere cha kunyamuwa vidya vankhondu.

    Akusambira aku Yesu avwiya dangu laku Yesu lakuti “mbacharu cha.” (Yohane 17:16) Yiwu ayukiya asilikali cha pamwenga kulimbana ndi ŵanthu wo agwira nchitu ya usilikali.

  3. Atanja anyawu. Yesu wangukambiya Akusambira ŵaki kuti ‘ayanjanengi.’ (Yohane 13:34, 35) Mwaviyo, yiwu apanga ubali wa pacharu chosi ndipu m’gulu lawu mulivi munthu yo wangachita nkhondu ndi m’bali pamwenga mzichi waki.1 Yohane 3:10-12.

  4. Alondo chakuwoniyapu cha Akhristu a m’nyengu ya akutumika. Buku linyaki likamba kuti: “Akusambira aku Yesu akwamba akananga kuluta ku nkhondu pamwenga kusere usilikali,” chifukwa aziŵanga kuti kurwa nkhondu “kukoliyana cha ndi chanju cho Yesu wanguŵalongo kweniso vo wanguŵasambiza kuti ayanjengi arwani ŵawu.” (Encyclopedia of Religion and War states) Peter Meinhold wa ku Germany, chilimbi pa nkhani ya masambiru nga Bayibolo, nayu wangukamba vakukwaskana ndi akusambira aku Yesu akwamba kuti: “Vingachitika cha kuti munthu waje Mkhristu kweniso msilikali pa nyengu yimoza.”

Tichita vinthu mwakugomezgeka

Akaboni aku Yehova mbanthu akovya ukongwa m’chigaŵa cho aja. Yiwu achitiska kuti boma la m’charu chawu lichitengi nawu mantha cha kuti atimbanyizgengi chimangu. Titumbika mazaza nga boma chifukwa cha marangu nga m’Bayibolo yanga:

  • ‘Mutheri ku mitufu yira.’Ŵaroma 13:1.

  • “Wezgani vo vaku Kaisare kwaku Kaisare; ndi vaku Chiuta kwaku Chiuta.”—Mateyu 22:21.”

Mwaviyo isi tivwiya marangu, tilipira misonkhu kweniso tikoliyana ndi vo boma litesesa kuchita kuti liwovyi ŵanthu ŵaki.