Julani

Nchifukwa Wuli Akaboni aku Yehova Aleka Kugwiriskiya Nchitu Mphinjika Pakusopa?

Nchifukwa Wuli Akaboni aku Yehova Aleka Kugwiriskiya Nchitu Mphinjika Pakusopa?

Ŵanthu anandi awona kuti kugwiriskiya nchitu mphinjika chisimikizgu chakuti Mbakhristu nadi. Chinanga kuti Akaboni aku Yehova Mbakhristu, kweni agwiriskiya nchitu mphinjika cha pakusopa. Nchifukwa wuli aleka kugwiriskiya nchitu mphinjika?

Chifukwa chakwamba nchakuti Bayibolo likambapu cha kuti Yesu wangufwiya pa mphinjika, kweni likamba waka kuti wangufwiya pa chimiti. Kweniso, Bayibolo litcheŵeska Akhristu kuti “thaŵani kusopa ngoza,” vo visazgapu kuleka kugwiriskiya mphinjika pakusopa1 Ŵakorinte 10:14; 1 Yohane 5:21.

Yesu wangukamba kuti: “Mwaku ichi ŵanthu wosi aziŵengi kuti mwe asambizi [akusambira] ŵangu, asani mwe ndi chanju yumoza ku munyaki.” (Yohane 13:34, 35) Mwaviyo, Yesu wangulongo kuti Akhristu auneneska azamuziŵika chifukwa chakugwiriskiya nchitu mphinjika pamwenga angoza cha kweni chifukwa cha chanju.