Julani

Lutani pa menyu yachiŵi

Akaboni aku Yehova

Chitonga (Malawi)

Kumbi Akaboni aku Yehova Mbakhristu?

Kumbi Akaboni aku Yehova Mbakhristu?

Hinya. Te Akhristu pa vifukwa ivi:

  • Titesesa kwezga umoyu waku Yesu kweniso kuvwiya vo iyu wasambizanga.—1 Petro 2:21.

  • Tigomezga kuti Yesu ndiyu nthowa ya ku umoyu wamuyaya, “chifukwa chinanga nkhuti kwe zina lamwenga cha pasi pa kuchanya, lakupaskika mu ŵanthu, mwaku lenilo tingataskikiya.”—Machitidu 4:12.

  • Kuti munthu waje Kaboni waku Yehova wakhumbika kubatizika mu zina laku Yesu.—Mateyu 28:18, 19.

  • Tiromba kuporote m’zina laku.—Yohane 15:16.

  • Tigomezga kuti Yesu ndiyu Mutu wa mpingu pamwenga kuti iyu ndiyu wakupaskika mazaza pa munthu weyosi.—1 Ŵakorinte 11:3

Chinanga kuti ve viyo, tipambana ukongwa ndi visopa vinyaki vo vidanika kuti vachikhristu. Mwakuyeruzgiyapu, visopa vinandi vigomezga kuti Yesu nchigaŵa cha achiuta atatu mwaku chiuta yumoza, kweni isi tigomezga vo Bayibolo lisambiza kuti Yesu ndi mwana waku Chiuta. (Marko 12:29) Tigomezga so cha kuti munthu we ndi umoyu wo uleka kufwa ndipuso m’Bayibolo mulivi po pakulembeka kuti Chiuta watombozga ŵanthu m’motu wa helu. M’Bayibolo mulivi so po pakulembeka kuti alongozgi a visopa ajengi ndi mazina ngaulemu ngakuŵapambaniska ndi ŵanthu anyaki.—Wakutaula 9:5; Ezekiele 18:4; Mateyu 23:8-10.