Julani

Lutani pa menyu yachiŵi

Akaboni aku Yehova

Chitonga (Malawi)

Nchifukwa Wuli Akaboni aku Yehova Aleka Kungadana Kuti Tchalitchi Malu ngo Awunganamu?

Nchifukwa Wuli Akaboni aku Yehova Aleka Kungadana Kuti Tchalitchi Malu ngo Awunganamu?

M’Bayibolo, mazu ngachigiriki ngo nyengu zinyaki ngafwatulikiya kuti “tchalitchi” ngang’anamuwa nyumba yakusopiyamu cha kweni ngang’anamuwa ŵanthu wo asopa.

Ŵanaŵaniyani chakuwoniyapu ichi: Pa nyengu yo wakutumika Paulo walembiyanga Akhristu a ku Roma, wangutumiza moni ku banja laku Akula ndi Priskila ndipu pavuli paki wangukamba kuti: “Tawuzgani tchalitchi lo liwungana munyumba yawu.” (Ŵaroma 16:5, Contemporary English Version) Yapa Paulo wang’anamuwanga kuti atawuzgi nyumba cha kweni ŵanthu wo anguwungana munyumba yawu. *

Mwaviyo, m’malu mwakudana malu ngo tiwunganamu kuti tchalitchi, tidana kuti “Nyumba ya Ufumu.”

Nchifukwa Wuli Mudana Malu ngo Muwunganamu Kuti “Nyumba ya Ufumu ya Akaboni Aku Yehova”?

Zina ili ndakwenere pa vifukwa ivi:

  • Nchitu ya Nyumba yo nkhuwunganamu.

  • Tiwungana kuti tisopi Yehova, Chiuta yo wakulemba Bayibolo, kweniso kuti tiziŵiski ŵanthu zina laki ndi kuchitiya ukaboni vakukwaskana ndi iyu.Sumu 83:18; Yesaya 43:12

  • Tiwungana so kuti tisambiri vakukwaskana ndi Ufumu waku Chiuta wo Yesu wawukambanga nyengu zosi.Mateyu 6:9, 10; 24:14; Luka 4:43.

Mwe akulondereka ku Nyumba ya Ufumu yakufupi ndi ko muli, kuti mukajiwone mwija mo Akaboni aku Yehova achitiya maunganu ngawu.

^ ndimi 3 Mazu ngakuyanana ndi ngenanga ngasanirika so pa 1 Ŵakorinte 16:19; Ŵakolose 4:15 ndi pa Filemone 2.

 

Ziŵani Vinandi

MAWUNGANU

Kumbi ndi Vinthu Wuli vo Vichitika pa Nyumba ya Ufumu?

Lutani ku Nyumba ya Ufumu kuti mukajiwone mwija.