Skip to content

Skip to secondary menu

Skip to table of contents

Testigopi de Jehová

toba

Noʼon nʼaxaỹaxac chigoqoʼot ñi Dios

 PAXAGUENAXAT 14

¿Táenʼco ra iuen ra naỹamaxatta na lʼonataxanaxanecpi ñi Dios?

¿Táenʼco ra iuen ra naỹamaxatta na lʼonataxanaxanecpi ñi Dios?

1. ¿Táenʼco ra ỹoʼot ñi Dios so huaʼau israelitapi ra naỹamaxatta?

Ñi Dios ỹahuoʼo so npueblo naỹamaxatta, chigoqchigui so llalacpi so Abrahán taq ỹañema lappa lamaxasoxonaxacpi. Na npueblo, qaiỹaxana Israel, talec ra iloʼogue ca ñiʼoxonnaxac ʼeesa taq lʼaqtac ñi Dios (Salmo 147:19, 20, [TNM]). Ỹoqoʼoye ʼenauac na shiỹaxauapi huetalec ana aʼlhua ishet ra ỹanata. Autaxaỹaxan Génesis 22:18.

Ñi Dios lcaʼauʼa so israelitapi ra yaqto ỹachetac ra lʼenaxat ñi maye. So huaʼau nʼaqtaguec neʼena npueblo ỹachaxan ra qanaxaỹaxana na lamaxasoxonaxacpi nache na mayepi ivitaʼa ca ʼonaxaic (1Reyes 2:3). Souaxat na israelitapi, ra huoʼoi ca laỹipi taqaʼen ishet ỹauatton ñi Dios ỹataqta ʼeesa. Autaxaỹaxan Isaías 43:10, 12.

2. ¿Táenʼco ra iuen ra naỹamaxatta na cristianopi ʼeesa?

Qaiye so Israel, lcaʼaguishic npueblo, iqataqchet so nsoxoyec, ñi Jehová naralaxat aso lapoxoc cristiana (Mateo 21:43; 23:37, 38). Ỹoqoʼoye nagui nachena na mayepi ʼeesa cristianopi, sa ishet na israelitapi, na rʼonataxataco ñi Jehová, ỹachetac ra lʼenaxat ñi Dios. Autaxaỹaxan Hechos 15:14, 17.

So Jesús ỹaỹamaxatta soua lataxanatacpi yaqto ishet ra ỹacheʼ so nʼaqtaguec taq ỹoʼot na allipi ʼenauac ana aʼlhua (Mateo 10:7, 11; 24:14; 28:19, 20). Nagui na paʼatrec naʼaxaʼte na sonaqtaʼalo, naʼa nʼonatac nquiguishiguem. Nagui ñi Jehová laỹotaq na ỹataqta qalota na shiỹaxauapi huetalec ana aʼlhua ra ishet ra ỹaleuaʼa na nʼamaqtenaxac ʼeesa (Apocalipsis 7:9, 10). Ra naỹamaxatta na ʼeesa cristianopi ishet ra ỹan ra ltaunaxanaxac taq ra lʼañaqchic. Taqaʼen ye naponaxaco qaỹapaxaguen ca ʼonole napaxaguenaxac maye chigoqoʼot aye la Biblia. Autaxaỹaxan Hebreos 10:24, 25.

 3. ¿Huaʼague ca chigacaʼague na testigopi de Jehová naua naʼaxaʼte na souaqtaiguilo?

Neʼena naỹamaxattaxac huaʼa coʼollaxa soua viʼiye 1870. So salamaʼi napaxagueetega aye la Biblia ñaq chetaʼague ra ỹanata na ʼeesa huetaleguete aye la Biblia qoỹogottrañi lappa na viʼiyel. Qaỹaỹaten so Jesús mashe ỹaỹamaxatec so lapoxoc cristiana ra raqtaxan, nache qaỹoʼot so qaỹaxatec ʼenauac ana aʼlhua yaqto ishet ra qaỹauatton so ntaxaỹaxac ra Lʼonataxanaxac ñi Dios. So viʼi 1931 ca ỹacona so lʼenaxat testigopi de Jehová. Autaxaỹaxan Hechos 1:8; 2:1, 4, 11 taq 5:42.

4. ¿ʼEetec ra naỹamaxattaxac na testigopi de Jehová?

So siglo I na napoxoc cristiana na ỹottaʼaʼt huetaʼague ana aʼlhua mashe huoʼoi so netaleguete maye ilotaguecpi qaỹamataʼac Cuerpo Gobernante, na mayepi qaỹahuoʼo so Jesús chaʼaye lqaic ana napoxoc (Hechos 16:4, 5). Nache ʼenaʼam na testigopi de Jehová nagui huoʼoi naua itauataʼape Cuerpo Gobernante, na mayepi cristianopi mashe huoʼo ra laỹajnec ra lliquiaxac, na mayepi naloqtena na lʼonataxanqapi netaʼague ʼenauac ana aʼlhua. Qaỹo’ogoxona neʼena lonataxanaxaquipi yaqto qoỹiʼiriñe taq qaỹoʼot nmejnapi aye la Biblia napacalec na seiscientos nʼaqtacpi. Qaỹoʼoxona ana la Biblia ra napaxaguenaxac, neʼena ỹallippi ỹan ra nʼañaxat taq icoỹactague nam napoxocpi, ana mayepi mashe napacalec na cien mil napoxoc. Neʼena napoxocpi taqaʼen netaiguilo na qarqaỹaʼt mashe ỹiʼi taq laỹajnec taq lauotaxanaqtaic ra iloʼogue ana nqaguetapi ñi Dios. Autaxaỹaxan 1 Pedro 5:2, 3.

Na testigopi de Jehová huoʼo ra naỹamaxattaxac ra iaʼaxat na ʼonaxaic nʼaxaỹaxac ỹan aye la Biblia taq ỹoʼot allipi. Nache ʼenaʼam na apostolpi raqtaxan na nmaʼte (Hechos 20:20). Taqaʼen qoỹanec napaxaguenataxac aye la Biblia caua ỹauotec ra nʼaqtac ʼeesa. Qalaxaye, sa ishet ra ndotec netaiguilo ra naỹamaxattaxac taqaʼen na mayepi ʼenaʼam ca ltaʼaraic namoxoñe chaʼaye ʼenauac huoʼo ye lauochaxac taq ñi Ltaʼa iloʼogue ʼenauac (2 Tesalonicenses 1:3). Chaʼaye ra naỹamaxattaxac na lʼonataxanecpi ñi Dios ỹataqta nañaqcheʼet ra shioxorenac ñi Dios taq itauan na shiỹaxauapi, nache na mayepi ỹoʼot namoxoñe ỹataqta ntoonaguec ana aʼlhua. Autaxaỹaxan Salmo 33:12 taq Hechos 20:35.