Skip to content

Skip to secondary menu

Skip to table of contents

Testigopi de Jehová

toba

Noʼon nʼaxaỹaxac chigoqoʼot ñi Dios

 PAXAGUENAXAT 3

¿ʼEesa ra chigoqoʼot ñi Dios naua ʼonaxaica nʼaxaỹaxaco?

¿ʼEesa ra chigoqoʼot ñi Dios naua ʼonaxaica nʼaxaỹaxaco?

1. ¿Négueʼt ca ỹoʼot aye la Biblia?

Ra ʼonaxaic nʼaxaỹaxac mayi iaʼaxat ra sonaqtainaʼa chochaq tateec ana aʼlhua huetalec aye la Biblia (Mateo 5:5). Ana nere nalaʼa ye huetalec 66 nerepiolec ỹiʼiriñe so 40 shiỹaxauai lqaʼaguishecpi ñi Dios. Soua huaʼauchiguiñe cinco lerguishe so Moisés mashe ime ra qoỹiʼiriñe tres mil quinientos viʼiyel taq so paʼateec nere mashe qaimat so mil novecientos viʼiyel, lere so namaxashec Juan. Na huennataxaco na huetaleguete ana la Biblia chigoqoto ñi Dios. Ñi Maye rtaxaỹot so neraxanecpi aye la Biblia roʼogoxona so nʼespiritu santo (2 Samuel 23:2). So ỹalleppi ỹiʼiriñe ra lhuennataxacpi ñi Dios, sa ishet ra maiche lhuennataxaco. Ỹoqoʼoye nacheñi ñi Jehová ỹoʼot aye la Biblia. Autaxaỹaxan 2 Timoteo 3:16 taq 2 Pedro 1:20, 21.

2. ¿Táenʼco ra ishet ra sepiaqaʼa ana la Biblia ra sa ratenataxan?

Chaʼaye ana la Biblia chigoqoʼot ñi Dios. Qomiʼ saỹajnacta reʼera chaʼaye iaʼaxat ye qomchiye ỹataqta ishet ra qaipiʼiỹa, neʼena sa ishet ra ỹoʼot ca shiỹaxaua (Josué 21:45). Ndotec ñi Dios, sa iqalanapec, ishet ra ỹoʼot reʼera. Autaxaỹaxan Isaías 42:9 taq Hebreos 6:17.

Aca nere ra chigoqoʼot ñi Dios, nache qaiuataʼa ra ỹataqta ʼonaxaic qaica ca ʼenaʼam. Ana la Biblia mashe qalota qaỹoʼot taq na ỹottaʼaʼt naqtaco. Naiʼctaxa ra toguishe, nateeteguet ana ciencia. Taq soua 40 neraxanecpi sa ishet ra sanatenaʼt na mayepi. ʼEnauac na netalec ana la Biblia ỹachaxan ra lauochaxac ñi Dios, nagui ishet ra queta ra ỹataqta nqochenaxat na nachaalataxac na shiỹaxauapi. Ỹoqoʼoye qalota na shiỹaxauapi ra ỹataqta iʼamaqten aye la Biblia ra ỹataqta ʼeesa ra lʼaqtac ñi Dios. Autaxaỹaxan 1 Tesalonicenses 2:13.

 3. ¿Négueʼt ca iaʼaxat aye la Biblia?

Aye la Biblia laỹonaʼt ra ltaxaỹaxac ỹataqta ʼonaxaic. Iaʼaxat ye ỹataqta ʼonaxaic ʼeetapeguec ñi Dios iqataxataʼ na shiỹaxauapi. Iaʼaxat coʼollaxa so huaʼauchiguiñe nʼaqtaguec, na shiỹaxauapi rqat so nachiquiaxac so nmataqaʼ taq iaʼaxat ʼeetec ra ỹoltaxa ca nauaxasheguem qome ca nmataqaʼ. Autaxaỹaxan Apocalipsis 21:4, 5.

Ye lʼaqtaqa ñi Dios netaiguilo naua lamaxasoxonaxacpi, na lqataxacpi taq noʼon nʼaqtaqa. Taqaʼen qomiʼ ỹachaxanalo ñi Jehová ʼeetec coʼollaxa ra iloʼogue na shiỹaxauapi, nache qomiʼ ishet ra sauattonac ra lataxac ñi maye. Ỹoqoʼoye aye la Biblia qomiʼ itauan ra sauattonac. Taqaʼen qomiʼ ỹapaxaguen ʼeetec ra ishet ra qanauochaxaua. Autaxaỹaxan Salmo 19:7, 11; Santiago 2:23 taq 4:8.

4. ¿Négueʼt ca qomiʼ ishet ra itauan ra saỹatenaqtegue aye la Biblia?

Ra huotaique ra qanqatec ca naigui aye la Biblia so Jesús saxaỹet ra naqosheguen na versículo taq nsogoñi. Ana nmejna rogoxona yeʼeye lataxac yaqto qomiʼ ishet ra itauan saỹatenaqtegue lapaxaguenataxac aye la Biblia. Autaxaỹaxan Lucas 24:27, 45.

Qomiʼ saʼamaqtenac ra ʼam arauela ra auaỹaten ca ʼonaxaic nʼaxaỹaxac huetoʼot ñi Dios. Qalaxaye huoʼo na shiỹaxauapi sa lauela yeʼeye taq huoʼo ca lỹa sa ncopita ra qaitaxaỹot. Qalaxaye sa ishet ra auashen ra ʼam ỹoʼotec ca araquiqoxo. Chaʼaye ana la Biblia ʼenapec, ca shiỹaxaua ra napaxaguena ñi maye ishet ra chochaq tateec ra nachaalataxac. Autaxaỹaxan Juan 17:3.