Skip to content

Skip to secondary menu

Skip to table of contents

Testigopi de Jehová

toba

Noʼon nʼaxaỹaxac chigoqoʼot ñi Dios

 PAXAGUENAXAT 4

¿Négueʼt so Jesucristo?

¿Négueʼt so Jesucristo?

1. ¿ʼEetec ra huoʼo so Jesús?

Négueʼt ca lataxaco so Jesús ỹoʼot ra shiỹaxaua qalhuottaʼa? (MATEO 11:29; MARCOS 10:13-16)

So Jesús ỹaqaʼa ra lataxac na shiỹaxauapi, so maye saq chaʼa reʼera piguem coʼolloxochiye saxanaxa ñiguiñe ana aʼlhua (Juan 8:23). So maye huaʼauchiguiñe lʼonatac ñi Jehová nache itauan ra ỹoʼot ʼenauac na ʼenauacna. Aye la Biblia iaʼaxat «ʼoonolec llalec ñi Dios» chaʼaye ndotec lʼonatac ñi maye (Juan 1:14). Taqaʼen qaỹauatton ra «lʼaqtac», chaʼaye so maye iʼaxatague na lʼaqtaqa so ltaʼa. Autaxaỹaxan Colosenses 1:15, 16.

2. ¿Táenʼco ra anac so Jesús ana aʼlhua?

Ñi Dios namaq so llalec ana aʼlhua. Ra ỹoʼot raʼa tachigui naqaʼen so nachaalataxac aso lqoxoqui aso María, qaʼañole judía lashe, saxanaxa ỹauatton ca ỹale. Nache so Jesús qaica ca ltaʼa shiỹaxaua (Lucas 1:30-35). So maye anac anaʼana aʼlhua qaq tres ʼetapegueque: 1) rapaxaguenataxan ra ỹataqta ʼeesa lataxac ñi Dios, 2) qomiʼ ỹapaxaguenque ra lolaqnaxanaxac ra ỹoʼot ra ʼeetapeguec ñi Dios naiʼctaxa ra huoʼo naua lqalaicoʼ taq 3) ỹan ra nachaalataxac qaica ca npeʼenaxac ra isheeten so «lashiue». Autaxaỹaxan Mateo 20:28.

3. ¿Táenʼco ra seuenac so «lashiue»?

Ra lashiue nshetenaxac ca qaisheeten yaqto qancaʼalaxateec ca nachaalataxac ca shiỹaxaua (Éxodo 21:29, 30, [TNM]). Nam nleuaxa taq nqueroxo sa ishet ra huetaigui so huaʼauchiguiñe ʼeetapeguec na ñi Dios. Saỹatenaq neʼena chaʼaye ñi Jehová caiye ivittaqteetega so Adán ra saỹalaxaguet nache ileu. Ỹoqoʼoye ra sa ishet ra rpeʼenaxan huanna ra ileu (Génesis 2:16, 17; 5:5). Aye la Biblia ʼenac ra nleuaxa inoxoneuaʼa ana aʼlhua chigoqchigui so Adán. Nache so Adán ỹachalguete na llalacpi so lasouaxashet, nache talguete na nleuaxa. Ỹoqoʼoye ʼenauac qomiʼ seuenac seʼeso «lashiue». Autaxaỹaxan Romanos 5:12 taq 6:23.

 Huaʼ ¿négueʼt petaʼa ca ishet ra isheeten aca lashiue nache huoʼo ca qarcaʼalaxa ra nleuaxa? Ra seleuac nache isheeten ca qarasouaxashet. Chaʼaye qomiʼ huoʼo ye qarpenaxac ỹoqoʼoye qaica ca iviʼ ra isheeten ca lpenaxac ca lỹa. Autaxaỹaxan Salmo 49:7-9, TNM.

4. ¿Táenʼco ra ileu so Jesús?

So Jesús sa ishet ʼenaʼam qomiʼ, chaʼaye qaica ca lpenaxac, huanna ra huoʼo ca lasouaxashet. Ỹoqoʼoye sa ishet ra ilem ca maiche lasouaxashet, so maye isheeten ra qarasouaxashet. Ra namaq so llalec ra ileu talec ra qarasouaxashet, ñi Dios ỹachaxan so ỹataqta ltaʼaraic lauochaxac na shiỹaxauapi. So Jesús taqaʼen ỹachaxan ra qomiʼ ỹauoteque chaʼaye so maye naxaỹaxana so ltaʼa, nache ỹan so nachaalataxac yaqto qomiʼ isorec ra qarpenaxac taq nleuaxa. Autaxaỹaxan Juan 3:16 taq Romanos 5:18, 19.

5. ¿Négueʼt ca ỹoʼotaq so Jesús nagui?

Ca netalec ana aʼlhua, so Jesús nataren na lolaxaicpi, nahuaỹaxasheguem na leuaxaicpi taq itauan ca huoʼoi ca lquiʼico, reʼera ỹachaxan ca qomchiye ỹoʼotec na lamaxashecpi lpeʼetpi ñi Dios (Mateo 15:30, 31; Juan 5:28). Qanache ca ileu so Jesús, ñi Dios nahuaỹaxasheguem nache ỹoltaxa ỹanem ra achaalataxac saq chaʼa ra piguem (1 Pedro 3:18). Coʼollaxa so Jesús rhuataxan nsoʼotañe huetoʼot ñi ltaʼa iuattaʼa ra qoỹanem ca lʼañaxac ra lamaxasoxonaxac ʼenauac anaʼana aʼlhua (Hebreos 10:12, 13). Nagui ñi Jesús ra ramaxasoxonapec ra piguem, qaq na lamaxasoxonaxanecpi qaỹaxattapeeguec ra noʼon nʼaxaỹaxac ʼenauac anaʼana aʼlhua. Autaxaỹaxan Daniel 7:13, 14 taq Mateo 24:14.

Ram ltaʼaraic lʼañaxac ỹanem ñi Dios, neʼena ntaʼa añaxaic pasaʼa ra imeuo nqaʼen na shiỹaxauapi qauemaicpi taq ỹoʼotaq na quejnaxacpi. ʼEnauac na huoʼo ca lpiʼiỹaxac ñi Jesús taq naxaỹaxana, huoʼo ca nachaalataxac ntonatan ana aʼlhua, maye qaỹoʼot mataxaqui qome. Autaxaỹaxan 2 Pedro 2:9 taq Apocalipsis 21:3, 4.