Skip to content

Skip to secondary menu

Skip to table of contents

Testigopi de Jehová

toba

Noʼon nʼaxaỹaxac chigoqoʼot ñi Dios

 PAXAGUENAXAT 6

¿Négueʼt ca naquitaxac huoʼo na leuaxaicpi?

¿Négueʼt ca naquitaxac huoʼo na leuaxaicpi?

1. ¿Négueʼt ca naquitaxac huoʼo na leuaxaicpi?

Huoʼo so naʼaq caiye so Jesús huetalec ana aʼlhua so nauochaxaua Lázaro ileu. So maye lmaʼ ye Betania, saqaỹa ye Jerusalén. Ca nviʼ so Jesús, so Lázaro mashe cuatro naʼaxaʼte ra ileu. Lʼiataʼape soua Marta taq Maria —lqaỹa ye leuaxaic—, so Jesús tauga aye huachiqui copache nache pasaʼa ra laponaʼt na shiỹaxauapi. ¿Petaʼa ishet ra alaʼa ra ntonaxac aso Marta taq aso Maria ra ilaʼa so Jesús ra ncaʼalaxatec ỹoltaxa so lqaỹa? Autaxaỹaxan Juan 11:21-24, 38-44.

Naua na ʼonaxaica nʼaxaỹaxaco huetaiguilo aye la Biblia huetalec ye naquitaxac ra ỹoltaxa qanauaxasheguem na leuaxaicpi. Aso Marta mashe ỹaỹaten ñi Jehová ra ỹachaxanapec ñishiguem na leuaxaicpi nache ỹoltaxa nalguete ana aʼlhua. Autaxaỹaxan Job 14:14, 15.

2. ¿ʼEetec ca aloic na leuaxaicpi?

Ñi Dios ʼenapega so Adán: «ʼAm qaiʼoxon, chaʼayi ʼam ʼalhua, qaq nam ʼalhua ʼapactoigui». (GÉNESIS 3:19)

Na shiỹaxauapi, qomiʼ qaỹoʼoʼt sachigoxosoigui «ana ʼalhua» (Génesis 2:7; 3:19). Sa ishet ra qomiʼ saq chaʼa sonaqtaigui ca nʼnoc. Qomiʼ shiỹaxauapi huoʼo qarapachiaxac taq sa ishet ra ñaq incaʼalactauec ra mashe seleuac. Ra ileu qarapioxo nache ỹapalaxat ʼenauac na nhuenataxaco. Nache qoneʼ na leuaxaicpi qaica ca noma taq ncuennataxa. Ỹoqoʼoye so Lázaro so ñishiguem sa ishet ra iaʼaxat so lliquiaxac. Autaxaỹaxan Eclesiastés 9:5, 6, 10.

Huoʼo na iʼamaqten ra huoʼo ca infierno laponaqa ñi Dios iuaʼaxatac na leuaxaicpi, qalaxaye reʼera sa ishet ra ʼeesa. Ra saỹatenaq na leuaxaicpi qaica ca nanoma qanache reʼera  napaxaguenaxac infierno sa ishet ra ʼeesa taq ỹasaxalec ye qauem ñi Jehová. Ñi maye rqaiga raʼa napaxaguenataxanaxac. Autaxaỹaxan Jeremías 19:5.

3. ¿Ishet ra qaitaxaỹapegueʼ na leuaxaicpi?

Na leuaxaicpi sa ishet ra rtaqa taq naxaỹaxan (Salmo 6:5). Qalaxaye huoʼoi soua angelpi qauemaicpi ishet ra rtaxaỹapegueʼ na shiỹaxauapi nache ỹacona na lʼoquiaxac na shiỹaxauapi mashe ileu (2 Pedro 2:4). Ỹoqoʼoye ñi Jehová nquiʼia ra shenaqtaique setaxaỹaxanac na leuaxaicpi. Autaxaỹaxan Deuteronomio 18:10, 11.

4. ¿Négueʼt ca qancaʼalaxateec?

Qalota na shiỹaxauapi mashe ileu ñiguelaʼaqpi ra nalec ana aʼlhua. Taqaʼen huoʼo ca ñishiguem shiỹaxauapi saỹauatton ñi Jehová taq coʼollaxa ỹoʼot na qauem. Autaxaỹaxan Hechos 24:15.

Ca ñishiguempi qome ishet napaxaguena ʼeetec ra lataxac ñi Dios, ỹachalec lpiʼiỹaxac so Jesús taq ỹachaxan ra naỹaxanaxac (Apocalipsis 20:11-13). Ra ỹoʼot reʼera nache ca ntoonaguec ra nachaalataxac chochaq tateec ana aʼlhua. Autaxaỹaxan Juan 5:28, 29.

5. ¿Négueʼt ca qomiʼ ỹapaxaguenque ra ncaʼalaxataxac ra lataxac ñi Jehová?

Neʼena naquitaxac ỹachaxan ra lauoche taq lauotaxanaqtaic mayi lachetaqtaxanaxac ñi Jehová. Qanachiquiaxac ñi Dios ra namaq so Llalec ra ỹan so nachaalataxac qomiʼ talguete, huoʼo yeʼeye qanaquitaxac. Qaq ʼam ¿négueʼt ca aryaxa ra anauaneʼ naʼa ncaʼalaxataxac? Autaxaỹaxan Juan 3:16 taq Romanos 6:23.