Skip to content

Skip to secondary menu

Skip to table of contents

Testigopi de Jehová

toba

Noʼon nʼaxaỹaxac chigoqoʼot ñi Dios

 PAXAGUENAXAT 7

¿Négueʼt ca Lʼonataxanaxac ñi Dios?

¿Négueʼt ca Lʼonataxanaxac ñi Dios?

1. ¿Négueʼt ca Lʼonataxanaxac ñi Dios?

¿Táenʼco ra qaishet ra qoỹenac so Jesús ra yataqta noʼon ntaʼa? (MARCOS 1:40-42)

Ra Lʼonataxanaxac ñi Dios nache ʼenaʼam ca gobierno, netaʼa ye piguem, nache pasaʼa nmenguet ʼenauac na gobiernopi. Nache ishet ra ỹoʼot ra ʼeetapeguec ñi Dios ana aʼlhua taq ye piguem. Ra Lʼonataxanaxac ñi Dios, nachena na iuen na shiỹaxauapi, nache ỹoʼot ra nhuoteetac ʼenauac na huetalec ana aʼlhua. ¿ʼEesa naxan neʼenaua ra ʼonaxaica naʼaxaỹaxaco? Autaxaỹaxan Daniel 7:14; Mateo 6:9, 10 taq 24:14.

ʼEnauac ca nʼonataxanaxac iuen ca nataxalaʼ, ñi Jehová Dios lcaʼauʼa so Llalec, Jesucristo, ra ntaʼa yeʼeye Lʼonataxanaxac. Autaxaỹaxan Apocalipsis 11:15.

2. ¿Táenʼco so Jesús ra yoqta noʼon ntaʼa?

So Llalec ñi Dios ỹataqta noʼon ntaʼa, chaʼaye so maye huoʼo ra lauotaxanaqtaic taq ʼenauac na ỹoʼot sa ishet ra rnpeʼenaxan (Juan 1:14). Coʼollaxa so Jesús qancaʼalaxateec, nache tasheguem ra piguem nache netoʼot ñi Ltaʼa rhuataxatac ra qoỹañeʼ ra nataxalaʼ nache ramaxasoxon (Hebreos 10:12, 13). Ñi Dios ỹanem ra nataxalaʼ taq pasaʼa rogoxona qome ra lamaxasoxonaxac anaʼana aʼlhua. Autaxaỹaxan Daniel 7:13, 14.

3. ¿Petaʼa ramaxasoxon ʼonolec so Jesús?

Aye la Biblia ʼenac so Jesús qome huoʼo ca ltauapi lamaxasoxonaxanecpi ñi Dios. Ye Daniel 7:27 ỹaxana «lliʼoxoyic» ñi ỹoʼotapecna. So huaʼauchiguiñe lqaʼaguishecpi ñi Dios yaqto na mayepi ishet ra noʼoxoyicpi nache soua so lamaxashecpi so Jesús. Ñi Jehová queta ra lcaʼatapigui iviraʼa naua naʼaxaʼte souaqtaiguilo, na ỹallippi taq ʼalpi piʼiỹaxaicpi yaqto ishet ra iviʼ yeʼeye lliaxanaxac nache huoʼo ye lquitaxac. Nache ʼenaʼam so Jesús, neʼenaua shiỹaxauapi tashiguempi ra piguem ra ileu, nache ỹaconguet ra lʼocguiaxac saq chaʼa. Autaxaỹaxan Juan 14:1-3 taq 1 Corintios 15:42-44.

 ¿Lqateʼe tashereguem ye piguem? Ana la Biblia ỹachaxan ra saq poc na mayel, so Jesús ra ỹaxanalo ʼenac, «qagueta saq ʼamaqtachi» (Lucas 12:32). So imauec nʼnumero na ramaxasoxonpi qome ana aʼlhua iviʼ ye 144.000. Autaxaỹaxan Apocalipsis 14:1.

4. ¿Négueʼt so huoʼo ca qanaroʼonaxañe so Jesús?

So Jesús qanaroʼonaxañe so viʼi 1914, taq so huaʼauchiguiñe ỹoʼot ỹorauec so Satanás taq so demoniopi ye piguem, ỹasaxañalo ana aʼlhua. Nlaqchigui ra lalemataic so Diablo ỹahuoʼo na nquejnaxacpi ʼenauac ana aʼlhua (Apocalipsis 12:7-10, 12). Huaʼa nache ra aloico na shiỹaxauapi ỹataqta nquiguec. Na laataxac, cholaxanaxa, nalolaxa taq nqouaxa ipacchigui so ỹachaxanapec ra ỹaʼan ra Lʼonataxanaxac ñi Dios pasaʼa ra ỹaconeguesop nache iloʼogue ʼenauac ana aʼlhua. Autaxaỹaxan Lucas 21:7, 10, 11, 31.

5. ¿Négueʼt ca ỹoʼotaq ye Lʼonataxanaxac ñi Dios nagui, taq négueʼt ca ỹoʼot qomchiye?

Na Lʼonataxanaxac ñi Dios roʼogoxona ra qaiaʼaxat ye nʼaqtac ʼenauac ana aʼlhua nache laponaʼt na «ỹataqta qalota» shiỹaxauapi chigoqtaguelo ʼenauac ana aʼlhua. Ỹataqta lappa na ỹalleppi taq ʼalpi noʼon añi lquiyaqte mashe lapoʼotegat naxaỹaxana ñi Jesús. ʼEnauac na mayepi huoʼo ca lcaʼalaxa ra Lʼonataxanaxac ñi Dios qom nlaxajñe ʼenauac na qauemaicpi. Ỹoqoʼoye ra sauoqtaique ra qomiʼ qaỹahuoʼoil qom nviʼ queʼeca Nʼonataxanaxac nache seuenac ra ñaxaỹaxanaxa so Jesús. Autaxaỹaxan Apocalipsis 7:9, 14, 16, 17.

Ra queta qome caua mil viʼiyel, ra Lʼonataxanaxac ñi Dios ipacchigui so ʼeetapeguec ñi maye. Ana aʼlhua qome imaʼat ra mataqaʼ. Paʼateec so Jesús iguelaxatot ra Lʼonataxanaxac ñi Ltaʼa (1 Corintios 15:24-26). ¿Petaʼa alauela ra huoʼoi ca auaxatem neʼena Lʼonataxanaxac ñi Dios? Autaxaỹaxan Salmo 37:10, 11, 29, TNM.