Skip to content

Skip to secondary menu

Testigopi de Jehová

toba

¿Petaʼa ishet na leuaxaicpi ra qancaʼalaxateec?

¿Petaʼa ishet na leuaxaicpi ra qancaʼalaxateec?

¿ʼEetec ca ʼarʼaqtac ra...

  • ... ajaʼ?

  • ... sa ishet?

  • ... petaʼa?

 NA ʼENAC AYE LA BIBLIA

«Na leuaxaicpi ishit da qaltaq ncaʼaleec» (Hechos 24:15, Dios Nvita Na Shiỹaxauapi)

ʼEETEC RA ʼAM ITAUAN

ʼAuanata ye nʼañaqchec ra ileu na maiche ʼaralamaxat ʼarhuoʼ lʼec (2 Corintios 1:3, 4).

Nqatec ra ỹataqta salaxaic ra ʼañiʼia na nleuaxa (Hebreos 2:15).

Ỹahuoʼo ra naʼatchiguiñe ra naquitaxac ra ỹoltaxa ʼalaʼa na maiche ʼaralamaxat ʼarhuoʼ lʼecpi mashe ileu (Juan 5:28, 29).

 ¿ʼAM ISHET RA ʼAUʼAMAQTEN AYE LA BIBLIA?

Ajaʼ, lappa na huetalguete, qalaxaye ndotec ʼam sachaxanalo ye tres:

  • Ñi Dios nachiñi ñi ỹoʼot na nachaalataxac. Aye la Biblia ỹaxana ñi Jehová «chigoqtacot da ncaʼalaxa» (Salmo 36:9; Hechos 17:24, 25). Ñi maye huoʼo ra lʼañaxac ra ỹanem ra lcaʼalaxa ʼenauac na ncaʼaltauec, ỹoqoʼoye saỹatenaqta ra ñi maye huoʼo ra lʼañaxac nache ishet qome ra ỹoltaxa ỹiʼiguelaxatem ra ncaʼalaxa ca mashe ileu.

  • Ñi Dios mashere coʼollaxa na ncaʼalaxateec soua shiỹaxauʼ. Aye la Biblia iaʼaxat ra ocho soua shiỹaxauʼ ncaʼalaxatreec —ỹale, ʼalo taq ỹottaʼaʼt naua laloxoquil— ra ỹoltaxa nalguete ana ʼalhua. Huoʼo na chetaʼague ra ileu, qalaxaye huoʼo so shiỹaxaua mashe cuatro ra naʼaʼq ra ileu (Juan 11:39-44).

  • Ñi Dios nshetaique ỹiʼiguelaxat ra nachaalataxac na mashe ileu. Ñi Jehová nquiʼia na nleuaxa chaʼaye ilaʼa ra npaʼaxaguenaxaua (1 Corintios 15:26). Ñi maye nshetaique ra ỹataqta nqatec ñiʼiñi npaʼaxaguenaxaua roʼogoxona qome ra ncaʼalaxac. Ñi Jehová nshetaique ra ỹoltaxa ñigueʼelaxat ana ʼalhua ʼenauac na huetaigui ye lhuennataxac (Job 14:14, 15).

 ʼANNAJLAʼT

¿Táenʼco ra huoʼo ra qarqueroxo taq qarleuaxa?

ʼAuanata ra lasataxac aye la Biblia ye GÉNESIS 3:17-19 taq ROMANOS 5:12.