Skip to content

Skip to secondary menu

Testigopi de Jehová

toba

¿Chaq négueʼt ca naigui ra Lʼonataxanaxac ñi Dios?

¿Chaq négueʼt ca naigui ra Lʼonataxanaxac ñi Dios?

¿Petaʼa naigui...

  • ... nmaʼ ye piguem?

  • ... mataqaʼ ye piguem?

  • ... nʼonataxanaxac ye piguem?

 NA ʼENAC AYE LA BIBLIA

«Ñim Loʼonatac ʼEnauacna maye netoʼot na piguem, nauaxaỹaxaasheguem qome ca noʼonataxanaxac maye saishet qome da nlaguiñi» (Daniel 2:44, Laʼaqtaqa Ñim Loʼonatac ʼEnauacna)

«Qomiʼ ỹanema ca ʼoonolec llalec, qaq camaye qoỹanagui qome da laʼañaxac da ntaʼa» ​(Isaías 9:6)

ʼEETEC RA ʼAM ITAUAN

 ¿ʼAM ISHET RA ʼAUʼAMAQTEN AYE LA BIBLIA?

Ajaʼ, qalota ra huoʼomshi ishet. Qalaq nagui qaỹachaxan ye dos:

  • So Jesús ỹachaxan négueʼt ca ỹoʼot qomchiye ca Lʼonataxanaxac ñi Dios. So maye ỹapaxaguenec so nʼdiscipulopi ra natamen ra anac queʼeca Lʼonataxanaxac ñi Dios, qataq ra qaỹoʼot ra ʼeetapeguec ñi maye ana ʼalhua (Mateo 6:​9, 10). Taqaʼen ỹachaxan ʼeetec ra ipacchigui reʼera nashelaxanaxac.

    So ñaq huetalec ana ʼalhua, so Jesús iquiʼaxan nam huoʼo ca lqouaxa, nataren na sa noʼonpi, qataq ỹoltaxa ỹañeʼ ra lcaʼalaxa na mashe ileu (Mateo 15:29-​38; Juan 11:38-​44). So maye talec ra ntaʼa ca Lʼonataxanaxac ñi Dios. Ỹoqoʼoye, coʼollaxa ishet ra huaʼautaʼague ra ỹachaxan ye ỹataqta ʼonaxaic l-loxoc ỹoʼot qome nam ramaxasoxolecpi (Revelación 11:15).

  • Na lataxaco ana ʼalhua ỹachaxan ra Lʼonataxanaxac ñi Dios pasaʼa ra anac. So Jesús ʼenac ye Lʼonataxanaxac ñi Dios qom mashe yaqtaʼa ra ndoiʼ ca nlagaxayec ana ʼalhua, nache mashe nlaqtelec na laataxac, nqouaxa qataq nacholaxanaxa (Mateo 24:3, 7).

    Nagui mashe seloqtaigui neʼenaua nqalaicpi. Ỹoqoʼoye ỹataqta saỹanaqta ra pasaʼa ra Lʼonataxanaxac ñi Dios ỹaỹamaxajñipi.

 ʼANNAJLAʼT

¿ʼÉetec ra achaalataxac qom ramaxasoxon ye Lʼonataxanaxac ñi Dios?

ʼAuanata ra lasataxac aye la Biblia ye SALMO 37:29 taq ISAÍAS 65:21-​23.