Skip to content

Skip to secondary menu

Testigopi de Jehová

toba

¿Négueʼt ca ʼauen yaqtoʼ na maiche ʼarhuoʼ lʼecpi ỹataqta machiguiñe?

¿Négueʼt ca ʼauen yaqtoʼ na maiche ʼarhuoʼ lʼecpi ỹataqta machiguiñe?

¿ʼEetec ca ʼarʼaqtac, qaiuen...

  • ... ra nauotaxanaqtaic?

  • ... añi plaata?

  • ... qoʼ huoʼo ca lỹa?

 NA ʼENAC AYE LA BIBLIA

«¡Qalaxayi ỹataqta ỹacteec da machiguiñi cam nʼaxaỹaxana dam lʼaqtac ñi Dios qataq ỹalaxaguet!» (Lucas 11:28, Dios Nvita Na Shiỹaxauapi).

ʼEETEC RA ʼAM ITAUAN

Sanataxa ra yoqta ʼeesa nahuotaxanaqtaic (Efesios 5:28, 29).

Huoʼo ra nchoxonnaguec (Efesios 5:33).

Huoʼo ỹataqta machiguiñe ra qarmariaxac (Marcos 10:6-9).

 ¿ʼAM ISHET RA ʼAUʼAMAQTEN AYE LA BIBLIA?

Ajaʼ, lappa na huetalguete, qalaxaye ndotec ʼam sachaxanalo ye dos:

  • Ñi Dios ỹoʼot na nhuoʼ lʼecpi. Aye la Biblia ʼenac ra ñi Jehová nachiñi «ñim chigoqoʼot na lʼenaxat nam ỹottaʼaʼt nhuoʼ lʼecpi» (Efesios 3:14, 15). Ỹoqoʼoye huoʼo na nhuoʼ lʼecpi chaʼaye ñi Dios ỹoʼot ¿Táʼencoʼ ra seuenac ra saỹatenaqta raʼa?

    ʼAuennataxana yeʼeye: Ra qollectac ca ʼonaxaic nhuoshec taq ʼanshetaique ra auaỹaten négueʼt caua lalegue nache ¿négueʼt ca anat? Yoqta ra anat ca ỹoʼot neʼena nhuoshec.

    Nache ʼenaʼam ra nshetaique ʼeetec ra huoʼo ca ntonaxac na maiche ʼarhuoʼ lʼec, ʼanat ñi Jehová chaʼaye ñi maye chigoqoʼot na mayepi (Génesis 2:18-24).

  • Ñi Dios qomiʼ ỹoqochaʼalo. Ỹoqoʼoye ʼam taq na maiche ʼarhuoʼ lʼecpi ishet ra qaloỹaque na nqataxacpi aye la Biblia chaʼaye ñi maye qomiʼ «ỹoqochaʼalo» (1 Pedro 5:6, 7). Ñi Jehová nshetaique ra noʼon qarmariaxac. Na lqataxacpi ỹataqta ʼeesal (Proverbios 3:5, 6; Salmo 32:8).

 ʼANNAJLAʼT

¿ʼÉetec ra ishet ra aỹem noʼon nhua qoʼ noʼon ntaʼa?

ʼAuanata ra lasataxac aye la Biblia ye EFESIOS 5:1, 2 taq COLOSENSES 3:18-21.