Skip to content

Skip to secondary menu

Skip to table of contents

Testigopi de Jehová

toba

Ñapaxaguenaxa ñi Dios

 PAXAGUENAXAT 13

So Timoteo huotaique ra itauan na shiỹaxauapi

So Timoteo huotaique ra itauan na shiỹaxauapi

So nsoq Timoteo ỹataqta iʼamaqchiguiñi ra itauan na shiỹaxauapi. So maye qalota na taigue rtaunaxaatac. Reʼera ỹoʼot ye nachaalataxac ra nlaqchigui na ʼonaxaic. ¿ʼAuotaique ʼanʼaxaỹaxana reʼera?...

Aso lcote taq lateʼe itauaʼn so Timoteo yaqtoʼ ỹauatton ñi Jehová

So Timoteo lmaʼ ye la ciudat lʼenaxat Listra. Aso lcote lʼenaxat Loida taq aso lateʼe Eunice. Ca ñaq nogotolec, soua maye itauaʼn so Timoteo yaqtoʼ ỹauatton ñi Jehová. Ỹoqoʼoye saxaỹet ra huotaique itauan na shiỹaxauapi ra ỹauatton ñi Jehová.

Huoʼo so naʼaq ca ñaq nsoq so Timoteo, so Pablo ʼenapega ra nnaicapegueʼ. Huotaique ra iaʼaxatec ra nʼaqtac na qaỹoqta ʼalhuapi. So Timoteo ʼenac: ‹¡Ajaʼ, ʼam sheegue!›. So maye lhuotta ra itauan na shiỹaxauapi.

 So Timoteo nnaictagueʼ so Pablo taỹa ye Tesalónica. Yeʼeye la ciudat netaña ye Grecia. Ra qotaỹa yeʼeye, iueʼn ra qaỹoqojlec ra petrañi taq ra nnoteuʼalo aso barco. So ivilreuo, nache qalota na itauan ra ỹauatton ñi Jehová. Qalaq huoʼo na nquiỹalo taq huacquese ra iqueʼemaqcheʼt. Ỹoqoʼoye so Pablo taq Timoteo jeʼc taỹa so ʼalhua lỹa yaqtoʼ iaʼaxat ra nʼaqtac.

So Timoteo ỹataqta machiguiñi taq nlaqchigui na ʼonaxaic ra nachaalataxac

Ỹoxoguelo so caʼagoxoiqa, so Pablo ʼenapega so Timoteo ra ỹoltaxa taỹa ye Tesalónica. Huotaique ỹaỹaten ʼeetec ca lqaỹañecpi. Ye Tesalónica huaʼa na lchec. So Timoteo ỹiʼiguelaq, chaʼaye huoʼo ra lhuogoxo so lqaỹañecpi. ¡So maye ỹataqta sa ñiʼi! Ime nache ỹiʼiguelaxa so Pablo, nache ỹanem so noʼon nʼaxaỹaxac. ¡So lqaỹañecpi qaica camachaqca!

Qalota so viʼiye so Timoteo ra lʼonataxanaxaua so Pablo. Huoʼo so naʼaq so Pablo huoʼo aso lere iaʼaxattac ra qaica ca ʼenʼam so Timoteo. ʼEnac: ‹Qamiʼ samaxa ra Timoteo chaʼaye ỹauotec ñi Jehová taq na shiỹaxauapi›.

¿ʼAuauotec na shiỹaxauapi taq ʼauotaique ra ʼauapaxaguen ra ỹauatton ñi Jehová?... Ra ʼauʼot reʼera, nache ra ʼanachaalataxac ỹataqta machiguiñi taq nlaqchigui na ʼonaxaic, qonʼam so Timoteo.

ʼAUTAXAỸAXAN AYE MAICHE ANA BIBLIA

  • 2 Timoteo 1:5; 3:15

  • Hechos 16:1-5; 17:1-10

  • 1 Tesalonicenses 3:2-7

  • Filipenses 2:19-22