Skip to content

Skip to secondary menu

Skip to table of contents

Testigopi de Jehová

toba

Ñapaxaguenaxa ñi Dios

 PAXAGUENAXAT 12

So lasoshec so Pablo sa ñiʼi

So lasoshec so Pablo sa ñiʼi

Ñapaxaguenaxa so nsoqolec, ra lʼenaxat sa saỹatenaq. Qalaq saỹatenaq ra ỹataqta sa ñiʼi chaʼaye ncaʼalaxateec so apóstol Pablo, maiche ntesqoʼ. ¿ʼAuotaique ʼanʼaxaỹaxana so ỹoʼot?...

So Pablo qaicoñiittaiʼ ye Jerusalén chaʼaye iaʼaxattac so ỹoʼot so Jesús. Qalaq huoʼo so shiỹaxauapi nquiỹa so Pablo. Huotaique ra qaỹoʼotec ye qauem. So mayepi huotaique taỹa so huataxanaq ltaʼa. Qoỹinapega ra ỹamaq na nallippi ra qaỹache so Pablo ye tribunal. Nache nqañoxojñi qome ye qaʼaic. Nache ra tateega yeʼeye so Pablo, ¡nache qaỹalauat!

So lasoshec so Pablo iʼaqtaxanem so ntesqoʼ taq so huataxanaq ltaʼa so qoỹeetapeguec qauem

So Pablo lasoshec huaʼaxaỹa ra qoỹeetapeguec. ¿Négueʼt ca ỹoʼot so maye? Nqoʼoneuʼa so Pablo nache iʼaqtaxanem ʼenauac. So Pablo ʼenapega: ‹Qojec nagui ye netaʼa ñi huataxanaq ltaʼa nache ʼauaʼaxat ʼenauac›. ¿Petaʼa saq alaq ra ỹoʼot reʼera?... Sa ishet. So huataxanaq ltaʼa ỹataqta ʼenec shacoʼ. Qalaq so nsoq nʼaqtaxaneʼ, chaʼaye sa ñiʼi.

So huataxanaq ltaʼa ỹataqta nʼaxaỹaxana so nsoq. Nache laponaʼt so nallippi huac ra iviʼ 500 yaqtoʼ npaxajlec so Pablo. Nache ʼenac: ‹Qauachii ra Pablo ye Cesarea neʼena peʼ›. ¿Ncaʼaleec so Pablo?... Ajaʼ. So shiỹaxauapi qauemaicpi sa ishet ra ỹalauat. ¡Sa ỹañoxot ra ʼeetapeguec!

¿ʼAncopita neʼena nʼaqtaguec?... ʼAm taqaʼen ishet ra sa ʼañiʼi qonʼam so lasoshec so Pablo. Seuenaq ra qaica ca shiʼiaqtega ra saʼaxataq ñi Jehová na shiỹaxauapi. ¿Qoqueta ra sa ʼañiʼi taq ra ʼauʼaxattac ñi Jehová?... Ra qonetec raʼa, nache ishet ra huoʼo ca ʼancaʼalaxateec.

ʼAUTAXAỸAXAN AYE MAICHE ANA BIBLIA