Skip to content

Skip to secondary menu

Skip to table of contents

Testigopi de Jehová

toba

Ñapaxaguenaxa ñi Dios

 PAXAGUENAXAT 5

So Samuel queta ra ỹoʼottac na ỹaỹamaqchiguiñi

So Samuel queta ra ỹoʼottac na ỹaỹamaqchiguiñi

Ca ñaq nsoq so Samuel nalec taq roʼonataxan ye lauoʼ ñi Dios. Yeʼeye na shiỹaxauapi ỹiʼoxoreʼn ñi Jehová. ¿ʼAuaỹaten ʼeetec so Samuel ra ivita ye lauoʼ ñi Dios? Huaʼauchiguiñe ñapaxaguenaxa aso Ana, lateʼe so Samuel.

Mashe ye coʼollaxa aso maye ra nshetaique ra huoʼo ca llalec, qalaxaye sa ishet. Nache nachoxorenot ñi Jehová ra itauan. Ỹachaxanapecot ra ỹañeʼ ca llalec, nache aso maye ỹamaq ra nalec taq ra roʼonataxan ye lauoʼ ñi Dios. Ñi Jehová ỹasateguet so natamnaxac nache ỹañeʼ so llalec. Aso Ana ỹanagui ra lʼenaxat Samuel. Qaq so Samuel ca mashe iviʼ so tres qoʼ cuatro nʼaño, nache aso maye ỹauec ye lauoʼ ñi Dios yaqtoʼ roʼonataxanot ñi maye. Chaʼaye ʼera ra lʼaqtac caiye.

So Elí lataxalaʼ na ntaxaỹaxanaxanecpi ye lauoʼ ñi Dios. Soua dos llalqa taqaʼen lʼonataxanaxaua yeʼeye. Qaipiʼitaxana ye lauoʼ ñi Dios na shiỹaxauapi ỹiʼoxoreʼn taq ỹoʼoʼt na ỹaỹamaqchiguiñi. Qalaxaye soua llalqa so Elí ỹoʼoʼt na qauem. So Samuel ilotaʼa na ỹoʼottaʼpe. ¿Petaʼa so Samuel ỹoʼot na qauem ʼenʼama soua maye?... Sa ishet. So maye queta ra ỹoʼottac na ỹaỹamaqchiguiñi. ʼEra ra lapaxaguenataxac so ltaʼal.

¿Négueʼt ca iuen taxa ra ỹoʼot so Elí soua llalqa? ... Iuen ra ỹahuoʼo ca nlaxanaguec. Taq sa ỹashenema ra roʼonataxaʼn ye lauoʼ ñi Dios. Qalaxaye so Elí sa ishet ra ỹoʼot reʼera. Ỹoqoʼoye ñi Jehová ralemataỹalo. Nache ỹahuoʼo so lhuaxanagueʼc.

So Samuel ỹañeʼ so lʼaqtac ñi Jehová so Eli

Huoʼo so pe so Samuel roʼocheta, huaʼaqtega ra qaiỹaxana: ‹¡Samuel!›. Nache so maye nqoʼona ye netaʼa so Elí. Qalaq so maye ʼenapega: ‹Aỹem sa ishet ra ʼam seỹaxana›. Nache mashe dos pe ra queteʼ ra qaiỹaxana. Nache so Elí ʼenapega ra ỹoltaxa huaʼaxaỹa ra navilỹaxac, nache qonetaʼ: ‹Ña ʼautaqa Jehová. ʼAm ñiʼaxaỹaxana›. So Samuel ỹoʼot reʼera. Nache ñi Jehová ʼenac: ‹Qonapega ye Elí ra sahuoʼo ca lhuaxanaguec ye llalqa  souaxat ra ỹoʼoʼt na qauem›. So Samuel, ¿petaʼa saq alaq ra ỹañeʼ so Elí ra lʼaqtac ñi Jehová?... Sa ishet. So Samuel ñiʼi, qalaq ỹalaxaguet ñi Jehová. Nache so lʼaqtac ñi Jehová ipacchigui. So Elí taq llalqa ileʼu.

So Samuel noʼon ra sheʼenaxataq. Saxaỹet ỹoʼot na ỹaỹamaqchiguiñi naiʼctaxa ra ilotaʼa na laỹipi ra ỹoʼot na qauem. Qaq ʼam, ¿négueʼt ca ʼauʼot? ¿ʼAnshetaique ra qonʼam so Samuel taq ra ʼauʼot ra ỹaỹamaqchiguiñi? Ra ʼauʼot reʼera, nache machiguiñi ñi Jehová taq caua ʼartaʼal.

ʼAUTAXAỸAXAN AYE MAICHE ANA BIBLIA