Skip to content

Skip to secondary menu

Skip to table of contents

Testigopi de Jehová

toba

Ñapaxaguenaxa ñi Dios

 PAXAGUENAXAT 7

¿Petaʼa huoʼo naxa ra ʼatoxoñe taq ʼañiʼi?

¿Petaʼa huoʼo naxa ra ʼatoxoñe taq ʼañiʼi?

ʼAmeten ñi nogotolec neʼena foto. Yoqta ra ʼicoʼ itoxoñe taq ñiʼi, ¿nache ʼeetec? ¿Huoʼo naxa ra ʼam ivirot reʼera?... ʼEnauac qomiʼ huoʼo naxa ra ʼeetec reʼera. Ana la Biblia iaʼaxat na nauochaxauapi ñi Jehová taqaʼen huoʼo naxa ra itoxoñe taq ñiʼi. So Elías ʼeetec raʼa. Ñapaxaguenaxa so maye.

Aso Jezabel huotaique ỹalauat so Elías

Coʼollaxa so Elías lmaʼ ye Israel, ca ñaq saxanaxa ra ñiguiñi so Jesús. So ntaʼal ye Israel, Acab taq lhua Jezabel, sa ỹiʼoxoreʼn ñi Jehová, ỹataqta ʼeesa Dios. Ỹiʼoxoreʼn so nqolac saq ʼeesa Baal. Ỹoqoʼoye qalota so israelitapi taqaʼen ỹiʼoxoreʼn so Baal. Aso nateʼe Jezabel ỹataqta yiloxoi. Huotaique ỹalauat ʼenauac na ỹiʼoxoren ñi Jehová, taqaʼen so Elías. ¿ʼAm ʼauaỹaten négueʼt so ỹoʼot so maye?...

¡So Elías ratauec! Taigue ra tojlec laiñe, nache nqañoxojñe taigui so comaʼ lauac. ¿Táenʼco ra ỹoʼot reʼera?... Ajaʼ, so maye  ñiʼi. Qalaxaye so Elías sa ishet ra iuen ra ñiʼi. ¿Táenʼco? Chaʼaye ỹaỹaten ra ñi Jehová ishet ra itauan. Ñi Jehová mashe ye coʼollaxa ra ỹachaxana ra lʼañaxac so Elías. Huoʼo so naʼaq ñi Jehová ỹasateguet so natamnaxac. Namaq so norec chigoqoʼot na piguem. ¡Ỹoqoʼoye ñi Jehová ishet ra itauan ỹoltaxa so Elías!

Ñi Jehová, ¿négueʼt so ỹoʼot yaqtoʼ itauan so Elías?

So Elías ca ñaq netaigui so lauac, ñi Jehová itaxaỹot taq inat: ‹¿Négueʼt ca ʼauʼottac neʼena?›. So maye ỹasateguet: ‹Aỹem indotec shecta ra ʼam shiʼoxoreetac. Ỹoqoʼoye ñiʼi ra aỹem qaỹalauat›. So Elías ipettega ra ʼenauac qaỹalauat na ỹiʼoxoreetac ñi Jehová. Qalaxaye ñi Jehová ʼenapega: ‹Reʼera saq ʼeesa. Ñaq huoʼo siete mil na shiỹaxauapi taqaʼen queta ra aỹem ỹiʼoxoreetac. ¡ʼAnʼañaxat! Huoʼo ye nʼonatac ʼam samiʼ ra ʼauʼot›. So Elías, ¿petaʼa machiguiñi ra nʼaxaỹaxana reʼera?...

¿Négueʼt ca ʼam ỹapaxaguenec so Elías?... Huanna ra ʼapetaʼa ra ʼatoxoñe qataq sa ishet ra ʼañiʼi. Huoʼo na ʼanauochaxauapi ỹauoteʼc ñi Jehová taq qaỹauoteʼc ʼam. Taqaʼen ñi Jehová salaxaic ra lʼañaxac. Saxaỹet ra ʼam itauan. Huanna ra ʼam ỹalat. ¿Ỹoʼot reʼera ra ʼam machiguiñi?...

ʼAUTAXAỸAXAN AYE MAICHE ANA BIBLIA

  • 1 Reyes 19:3-18

  • Salmo 145:18

  • 1 Pedro 5:9