Skip to content

Skip to secondary menu

Skip to table of contents

Testigopi de Jehová

toba

Ñapaxaguenaxa ñi Dios

 PAXAGUENAXAT 3

Aso Rahab iʼamaqten ñi Jehová

Aso Rahab iʼamaqten ñi Jehová

ʼApiʼitaxana ra qonetaʼa ye Jericó. Coʼollaxa huoʼo aso ʼalo lʼenaxat Rahab. Seʼeso la ciudat naña ye Canaán. Qaq na shiỹaxauapi sa iʼamaqteʼn ñi Jehová.

Aso Rahab ca ñaq nogotole nʼaxaỹaxana ra nʼaqtaguec so Moisés: ʼeetec ra ỹauachigui so Mar Rojo yaqtoʼ isouec so Israel lʼecpi ye Egipto. Taqaʼen nʼaxaỹaxana ʼeetec ñi Jehová itauaʼn na mayepi ra nauec na nloquiaxauapi. ¡Qaq nagui aso maye nʼaxaỹaxana ra na Israel lʼecpi nquigueuaʼa ye Jericó!

Aso Rahab npaxalguete soua Israel lasheʼ chaʼaye iʼamaqten ñi Jehová

Huoʼo so pe dos shiỹaxaʼu Israel lasheʼ ivireualo ye Jericó ra nauaʼn ye la ciudat. Soua maye taỹalo ye lmaʼ aso Rahab. Aso maye iỹaxanalo ra inoxoreuo taq ra nʼoirañe. Seʼeso pe qaiʼaxatem so ntaʼa ye Jericó ra huoʼoi so nauaʼn ye la ciudat. Taq tatreuaʼa ye lmaʼ aso Rahab. Ỹoqoʼoye so ntaʼa ỹamaq ra qanmitaiquelo. Aso Rahab ỹoxojriñe so Israel lasheʼ ye nỹec l-laq. Nache ʼenapegalo so lamaxasheʼc so ntaʼa: ‹Ajaʼ nache ʼeetec, soua maye nareuʼa na imaʼ, qalaxaye mashe jeʼc. Ra qoquii nagui nache ishet ra qaviyiỹalguete›. ¿Táenʼco aso Rahab ra npaxalguete so Israel lasheʼ?... Chaʼaye aso maye iʼamaqten ñi Jehová taq ỹaỹaten ra ñi maye ỹañeʼ qome na Israel lʼecpi yeʼeye ʼalhua Canaán.

So yactaʼa ra jeʼc, so Israel lasheʼ ỹaʼn so lʼaqtac aso Rahab: qom qanlaxajñe ye Jericó, qancaʼalaxateec aso maye taq so lauoʼ lʼecpi. ¿Négueʼt ca qaỹamaxalec ra ỹoʼot?... ʼEna: ‹ʼAuacona ca nañec roja nache ʼacoñereuaʼa ñi la ventana. Ra ʼauʼot reʼera, nache ʼenauac na netaʼa ye ʼarmaʼ huoʼo ra lcaʼalaxa›. Aso Rahab ỹoʼot ʼenauac so qaỹamaxalec. ¿ʼAuaỹaten ca anac ye nʼaqtaguec?...

Ñi Jehová npaxatlec aso Rahab taq so lauoʼ lʼecpi

Lcopaʼaguelo soua naʼaxaʼte, nache so Israel lʼecpi coleesop ye la ciudat, qalaq so mayepi iemaqtom. Queta so seis naʼaxaʼte so mayepi coleesop ye la ciudat, qaỹauotaʼa ʼoonolec ye naʼaq. Qalaxaye so ivira so naʼaq séptimo, nache qaicoleesop ye la ciudat qaỹauotaʼa siete ra qaicoleesop. Nache ỹaʼn so ʼoonolec nʼaalaxac ltaʼaraic. Nache ñi Jehová nlaxajñe  so lpaqtaxanaxat ye la ciudat. Qalaxaye so nỹec naxattañi so nañec roja sa ishet ra qanlaxajñe. ¿ʼAlaʼa yeʼeye nañec neʼena foto?... ¡Aso Rahab taq so lauoʼ lʼecpi huoʼo ra lcaʼalaxa!

¿Négueʼt ca ʼam ỹapaxaguenec aso Rahab?... Aso Rahab iʼamaqten ñi Jehová chaʼaye nʼaxaỹaxana so ỹataqta ʼonaxaic ỹoʼotpi ñi maye. ʼAm nagui ʼanapaxagueetega na qalota ʼonaxaic ỹoʼotpi ñi Jehová. ¿ʼAm ʼauamaqten ñi maye ʼenaʼam aso Rahab?... ¡Ỹoqta ra nache ʼeetec!

ʼAUTAXAỸAXAN AYE MAICHE ANA BIBLIA

  • Josué 2:1-24; 6:1-5, 14, 15, 20-25

  • Hebreos 11:31 (DNS)