Skip to content

Skip to secondary menu

Skip to table of contents

Testigopi de Jehová

toba

Ñapaxaguenaxa ñi Dios

 PAXAGUENAXAT 10

So Jesús saxaỹet ra ỹalaq

So Jesús saxaỹet ra ỹalaq

¿Saxaỹet ra saq alaq ra ʼaualaxagueta caua ʼartaʼal?... Huoʼo naxa ra lqalaic. ¿ʼAm ʼauaỹaten so Jesús ra saxaỹet ra ỹalaxaguet ñi Jehová taq soua ltaʼal?... ʼAm taqaʼen ishet ra ʼauʼot reʼera, naiʼctaxa ra huoʼo ra lqalaic. So ỹoʼot so Jesús ishet ra ʼam itauan. Ñapaxaguenaxa neʼena.

Coʼollaxa saxanaxa ra anac ana ʼalhua, so Jesús netaʼa ye piguem netoʼot ñi ltaʼa, Jehová. Qalaxaye so nalec ana ʼalhua taqaʼen huoʼoi soua ltaʼal. Lʼenaxaʼt José taq María. ¿ʼAuaỹaten ʼéetec soua maye ra iviraʼa ra ltaʼal?...

Ñi Jehová ỹoʼot so milagro. Ỹanaigui añi lcoʼoxoqui aso María ra nachaalataxa so Jesús. Nache ishet ra ñiguiñi ʼenʼam na oʼoʼ lʼec. Qaq so iviʼ so nueve caʼagoxoiqa, nache ñiguiñi ana ʼalhua. ʼEra ra ʼeetec aso María taq so lhua José ra iviraʼa ra ltaʼal so Jesús ana ʼalhua.

Qaq so mashe iviʼ so doce viʼiye, so Jesús huoʼo so ỹoʼot ỹachaxan ra ỹataqta ỹauotec ñi ltaʼa Jehová. Seʼeso huaʼa caiye so Jesús qataq so lauoʼ lʼecpi ỹoʼoʼt so lliquiaxac qaỹoctegue. Taregue ra Jerusalén yaqtoʼ qaỹiʼoxoren ñi Jehová. Qaq so mashe ỹiʼiguelaʼq ye lmaʼ, nache so José taq aso María sa qaỹanata so Jesús ca netaʼague. ¿ʼAuaỹaten huáʼague ca netaʼague so maye?...

¿Táenʼco ra netaʼa so Jesús ye templo?

So José taq aso María iỹalapiguiʼsalo ra ỹiʼiguelaʼq ye Jerusalén. Nache qailaque so Jesús queteʼ ra tres naʼaq. ¡Soua maye qaica ca lalemaxa! Qalaxaye qaỹanata ye templo. ¿Táenʼco ra netaʼa yeʼeye?... Chaʼaye ye templo ishet ra napaxaguena ñi Jehová. So Jesús ỹauotec ñi ltaʼa qataq nshetaique ra ỹoʼot ra machiguiñi. Qaq so ivita ra ỹi, so Jesús saxaỹet ra ỹalaxaguet ñi Jehová. Ỹoʼot reʼera naiʼctaxa ra huoʼo ra lqalaic qoʼ lquiʼic. ¿ʼApitaʼa so Jesús ra taqaʼen ỹalaxagueta soua ltaʼal?... Ana la Biblia iaʼaxat ra nache ʼeetec.

¿Négueʼt ca ʼam ỹapaxaguenec so ỹoʼot so Jesús?... ʼAm taqaʼen ʼauen ra ʼaualaxagueta caua ʼartaʼal, naiʼctaxa ra huoʼo ra lqalaic. ¿ʼAuʼot reʼera?...

ʼAUTAXAỸAXAN AYE MAICHE ANA BIBLIA

  • Lucas 1:30-35; 2:45-52

  • Efesios 6:1

  • Hebreos 5:8