ʻOku tokangaʻi ʻe ha kulupu ʻo e kau mātuʻá ʻa e fakatahaʻanga taki taha. Ko e fakatahaʻanga nai ʻe 20 ʻi ha sēketi. ʻOku toutou ʻaʻahi ʻa e kau mātuʻa fefonongaʻakí ki he ngaahi fakatahaʻangá ʻoku ʻiloa kinautolu ko e kau ʻovasia sēketi.

 Ko e ngaahi tataki mo e fakahinohino Fakatohitapu ʻoku tokonaki ʻe ha Kulupu Pule ʻoku faʻuʻaki kinautolu ʻa e Kau Fakamoʻoni fuoloa ʻoku nau lolotonga ngāue ʻi he ʻuluʻi ʻapitanga ʻi māmani ʻo e Kau Fakamoʻoni ʻa Sihová ʻi Warwick, Niu ʻIoke.—Ngāue 15:23-29; 1 Tīmote 3:1-7.