Fetela kwa tshedimosetsong

Fetela go diteng

BOTSHELO JWA BOKERESETE

Ditsala Tsa Gago Tsa mo Internet ke Bomang?

Ditsala Tsa Gago Tsa mo Internet ke Bomang?

Tsala e tlhalosiwa e le “motho yo o atamalaneng le yo mongwe ka gonne a mo rata e bile a mo tsaya a le botlhokwa.” Ka sekai, Jonathane le Dafide ba ile ba nna ditsala tse di ntshanang seinong morago ga gore Dafide a bolaye Goliathe. (1Sa 18:1) Ka bobedi ba ne ba na le dinonofo tse di neng di dira gore ba tswelele e le ditsala. Ka jalo, gore batho ba nne ditsala tse di atamalaneng, ba tlhoka go itsane sentle. Gore o itse motho sentle, o tlhoka go ipha nako le go tsaya matsapa. Mme gone, mo di-social network batho ba kgona go nna ditsala ka ponyo ya leitlho. Mo Internet, go motlhofo gore motho a fitlhe se a leng sone ka go laola se a tla se buang le se batho ba tla se akanyang ka ene. Ka jalo, o tshwanetse go akanya ka kelotlhoko gore o batla go itsalanya le batho ba ba ntseng jang mo Internet. Fa mongwe yo o sa mo itseng sentle a go kopa gore o nne tsala ya gagwe mo Internet o se ka wa tshaba go gana ka gonne o boifa gore o tla mo utlwisa botlhoko. Ba bangwe ba dirile tshwetso ya gore ba se ka ba dirisa di-social network, ba akantse ka dikotsi tse ba ka kopanang le tsone. Mme gone, fa o tlhopha go dirisa di-social network, ke dilo dife tse o tlhokang go di ela tlhoko?

LEBANG BIDIO YA DIRISA SOCIAL-NETWORK KA BOTLHALE, LO BO LO ARABA DIPOTSO TSE DI LATELANG:

  • O tshwanetse go akanyetsa eng pele o tsenya ditshwantsho le go kwala melaetsa mo Internet?

  • Goreng go le botlhokwa gore o tlhophe ditsala tsa gago tsa mo Internet ka kelotlhoko?

  • Goreng o tshwanetse go lekanyetsa nako e o e dirisang mo di-social network?—Bae 5:15, 16