SETLHOGO SA KA FA NTLE | KE ENG FA O TSHWANETSE GO TSWELELA O TSHELA?
Ka Gonne Go na Le Tsholofelo
“Ba ba pelonolo ba tla rua lefatshe, ruri ba tla nna le boitumelo jo bogolo mo letlotlong la kagiso.”—PESALEMA 37:11.
Baebele e bontsha gore botshelo bo “tletse matshwenyego.” (Jobe 14:1) Gompieno mongwe le mongwe o amiwa ke mofuta mongwe wa masetlapelo. Mme batho bangwe ba ikutlwa ba se na tsholofelo le e seng ka botshelo, jaaka e kete dilo di ka se siame, go ka se nne botoka mo isagweng. A o ikutlwa jalo? Fa go ntse jalo, tlhomamisega gore Baebele e re naya tsholofelo ya mmatota—e seng wena fela mme batho botlhe. Ka sekai:
Baebele e ruta gore Jehofa Modimo o ne a ikaeletse gore re nne le botshelo jo bo botoka.—Genesise 1:28.
Jehofa Modimo o solofetsa go dira lefatshe la rona paradaise.—Isaia 65:21-25.
Ruri tsholofetso eo e tla diragadiwa. Tshenolo 21:3, 4 ya re:
“Mogope wa Modimo o mo bathong, mme o tla aga le bone, mme ba tla nna batho ba gagwe. Mme Modimo ka boene o tla nna le bone. Mme o tla phimola dikeledi tsotlhe mo matlhong a bone, mme loso lo tla bo lo seyo, le fa e le khutsafalo le fa e le selelo le fa e le botlhoko di tla bo di sa tlhole di le gone. Dilo tsa pele di fetile.”
Tsholofelo eo ga se go ijesa dijo tsa ditoro fela. Jehofa Modimo ruri o ikaeletse go e diragatsa, o na le maatla le keletso ya go dira jalo. Tsholofetso e e mo Baebeleng e ka ikanngwa, mme e araba sentle potso e e reng, “Ke eng fa o tshwanetse go tswelela o tshela?”
GAKOLOGELWA SENO: Le fa maikutlo a gago a ka fetofetoga jaaka mokoro o o yang kwa le kwa mo lewatleng le le sa iketlang, molaetsa wa Baebele o o nayang tsholofelo o ka tshwana le tshetledi e e go thusang gore o nne o tlhomame.
SE O KA SE DIRANG GOMPIENO: Simolola go sekaseka se Baebele e se rutang ka tsholofelo ya mmatota ka isagwe. Basupi ba ga Jehofa ba tla itumelela go go thusa. O ka ikgolaganya le bone mo lefelong la lona kgotsa wa bona tshedimosetso e e mosola mo atereseng eno ya bone ya Internet, jw.org/tn. *
^ ser. 11 Kakantsho: Ya kwa jw.org/tn o bo o leba ka fa tlase ga DIKGATISO > LAEBORARI YA MO INTERNET. Fa o le koo, batla mafoko a a jaaka “go tshwenyega mo maikutlong” kgotsa “go ipolaya” go bona thuso e e oketsegileng.
Tse Dingwe Tse O ka Di Kgatlhegelang
KA GA RONA
Ke Eng fa o Tshwanetse go Ithuta Baebele?—Bidio e e Feletseng
Baebele e thusa batho ba le dimilione mo lefatsheng lotlhe go bona dikarabo tsa dipotso tse di botlhokwa thata mo botshelong. A o ka rata go nna mongwe wa bone?
DIKARABO TSA DIPOTSO TSA BAEBELE
A Baebele e ka Nthusa fa ke Tshwenyegile mo Maikutlong?
Go na le dilo di le tharo tse Modimo a thusang batho ba ba tshwenyegileng mo maikutlong ka tsone.
