Fetela kwa tshedimosetsong

Fetela go diteng

 THUTO 25

Modimo o Ikaeletse go re Direla Eng?

Modimo o Ikaeletse go re Direla Eng?

Baebele e tlhalosa gore batho ba tshela ‘lobaka lo lokhutshwane e bile botshelo jwa bone bo tletse matshwenyego.’ (Jobe 14:1) A seno ke se Modimo a re batlelang sone? Fa go sa nna jalo, ke eng se a ikaeletseng go re direla sone? A seo se tla tsamaya se diragala? Utlwa dikarabo tse di kgotsofatsang tse di tswang mo Baebeleng.

1. Jehofa o batla gore re tshele botshelo jo bo ntseng jang?

Jehofa o batla gore re itumelele botshelo. Fa a ne a bopa batho ba ntlha, e bong Adame le Efa, o ne a ba baya mo paradaiseng e ntle, e leng tshingwana ya Edene. Go tswa foo, “Modimo o ne a ba segofatsa mme a ba raya a re: ‘Atang lo nne bantsi lo tlatse lefatshe, lo bo lo nne beng ba lone.’” (Genesise 1:28) Jehofa o ne a batla gore ba nne le bana, ba dire lefatshe lotlhe paradaise, ba bo ba tlhokomele diphologolo. O ne a ikaeletse gore batho botlhe ba nne le botsogo jo bontle e bile ba itumelele go tshelela ruri.

Le fa gone re sa tshele botshelo joo gone jaanong, * Modimo o sa ntse a tla diragatsa se a se ikaeletseng. (Isaia 46:10, 11) O sa ntse a batla gore batho ba ba kutlo ba tshelele ruri mo lefatsheng mo maemong a a itumedisang.—Bala Tshenolo 21:3, 4.

2. Re ka itumelela botshelo jang gone jaanong?

Jehofa o re bopile re na le keletso ya ‘go batla go ithuta ka ene’ le go batla go mo obamela. (Bala Mathaio 5:3-6.) O batla gore re tsalane le ene, re ‘dire thato ya gagwe, re mo rate,’ re bo re mo direle “ka pelo yotlhe.” (Duteronome 10:12; Pesalema 25:14) Fa re dira jalo re ka kgona go itumela, tota le fa re na le mathata. Go obamela Jehofa go dira gore botshelo jwa rona bo nne le bokao, ka gonne re a bo re tshela ka tsela e a batlang re tshela ka yone.

 ITHUTE MO GO OKETSEGILENG

Ithute gore Jehofa o ile a re bontsha lorato lo logolo jang fa a ne a bopa lefatshe, o bo o ithute se Lefoko la gagwe le se rutang ka boikaelelo jwa botshelo.

3. Jehofa o batla gore batho ba nne le botshelo jo bo itumedisang

Tshameka BIDIO eno, lo bo lo tlotla ka potso e e latelang.

  • Goreng Modimo a ile a bopa lefatshe?

Bala Moreri 3:11, lo bo lo tlotla ka potso eno:

  • Seno se go ruta eng ka Jehofa?

 4. Boikaelelo jwa ga Jehofa ga bo a fetoga

Bala Pesalema 37:11, 29 le Isaia 55:11, lo bo lo tlotla ka potso eno:

  • Re itse jang gore boikaelelo jwa ga Jehofa ka rona ga bo a fetoga?

5. Go obamela Jehofa go dira gore botshelo jwa rona bo nne le bokao

Go itse gore re tshelela eng go dira gore re itumele. Tshameka BIDIO eno, lo bo lo tlotla ka potso e e latelang.

  • Terumi o ile a solegelwa molemo jang ke go itse gore o tshelela eng?

Bala Moreri 12:13, lo bo lo tlotla ka potso eno:

  • E re ka Jehofa a re diretse dilo tse dintsi, re ka bontsha jang gore re lebogela se a re diretseng sone?

MONGWE A KA BOTSA A RE: “Re tshelela eng?”

  • O ka mo araba jang?

 O ITHUTILE ENG?

Jehofa o batla gore re itumelele go tshelela ruri mo lefatsheng mo maemong a a itumedisang. Fa re mo obamela ka pelo yotlhe, botshelo jwa rona bo nna le bokao, tota le gone jaanong.

Poeletso

  • Jehofa o ne a ikaeletse eng fa a ne a bopa Adame le Efa?

  • Re itse jang gore se Modimo a neng a se ikaeletse ka batho ga se a fetoga?

  • Ke eng se se ka dirang gore o itumelele botshelo?

Leka go Dira Seno

DINTLHA TSE DINGWE

Bona bosupi jo bo bontshang gore tshimo ya Edene e kile ya nna teng.

“Tshimo ya Edene—A ke Tlhamane Kgotsa Boammaaruri?” (Tora ya Tebelo, January 1, 2011)

Ithute gore ke eng fa re ka tlhatswega pelo gore lefatshe le tla nnela ruri.

“A Lefatshe le Tlile go Senngwa?” (Setlhogo se se mo website)

Utlwa gore Baebele e tlhalosa gore ke eng se se ka dirang gore re itumelele botshelo.

“Bokao Jwa Botshelo ke Eng?” (Setlhogo se se mo website)

Utlwa gore monna mongwe yo o neng a akanya gore o na le sengwe le sengwe, o ile a thusiwa ke eng go bona se se neng se tlhaela mo botshelong jwa gagwe.

Gone Jaanong ke Itumelela Botshelo (3:55)

^ ser. 6 Mo thutong e e latelang, o tla ithuta gore matsapa di a tsere kae.