Fetela kwa tshedimosetsong

Fetela go diteng

 THUTO 20

Phuthego e Rulagantswe Jang?

Phuthego e Rulagantswe Jang?

Jehofa ke Modimo wa thulaganyo. (1 Bakorintha 14:​33) Ka jalo, re ka lebelela gore batho ba gagwe le bone ba bo ba rulagane. Phuthego ya Bokeresetse e rulagantswe jang? Re ka dira jang gore e nne e rulagane?

1. Ke mang yo o eteletseng phuthego pele?

‘Keresete ke tlhogo ya phuthego.’ (Baefeso 5:​23) O etelela pele ditiro tse batho ba ga Jehofa ba di dirang mo lefatsheng lotlhe a le kwa legodimong. O tlhomile “motlhanka yo o boikanyego le yo o botlhale,” e leng setlhopha sa bagolwane ba ba nang le maitemogelo ba gape ba bidiwang Setlhopha se se Laolang. (Bala Mathaio 24:​45-​47.) Mo nakong e e fetileng baaposetoloi le bagolwane kwa Jerusalema ba ne ba kaela diphuthego, ka tsela e e tshwanang, Setlhopha se se Laolang gompieno se kaela diphuthego mo lefatsheng lotlhe. (Ditiro 15:2) Mme banna bano ga se bone baeteledipele ba phuthego ya rona. Go na le moo, ba bala Baebele gore ba bone se Jehofa a batlang gore ba se dire e bile ba latela kaelo ya ga Jesu.

2. Bagolwane ke bomang mme ba dira eng?

Bagolwane ke banna ba Bakeresete ba ba feditseng dingwaga ba ikanyega. Ba ruta batho ba ga Jehofa ba dirisa Baebele, ba a ba thusa e bile ba a ba kgothatsa. Ga ba duelwe. Go na le moo, ba direla Modimo ‘ka go rata; e seng ka go batla dikhumo ka bopelotshetlha, mme ba dira jalo ba tlhagafetse.’ (1 Petere 5:​1, 2) Gape mo phuthegong go na le batlhanka ba bodiredi ba ba thusang bagolwane. Morago ga nako ba ka tshwanelega go nna bagolwane.

Setlhopha se se Laolang se tlhopha bagolwane bangwe gore e nne balebedi ba potologo. Balebedi bao ba etela diphuthego tse di farologaneng gore ba kaele le go kgothatsa bakaulengwe le bokgaitsadi. Gape ba tlhopha bakaulengwe ba ba tshwanelegang gore ba nne batlhanka ba bodiredi kgotsa bagolwane. Bakaulengwe bao ba tshwanetse ba bo ba tshela go dumalana le se Baebele e se buang ka maikarabelo ao.​​—1 Timotheo 3:​1-​10, 12; Tito 1:​5-9.

3. Mosupi mongwe le mongwe o na le maikarabelo afe?

Batho botlhe mo phuthegong ba ‘baka leina la ga Jehofa’ ka go nna le seabe mo dipokanong le ka go bolelela ba bangwe molaetsa wa Modimo ka mo ba ka kgonang ka teng.​—Bala Pesalema 148:​12, 13.

 ITHUTE MO GO OKETSEGILENG

Ithute gore Jesu ke moeteledipele yo o ntseng jang, gore bagolwane ba leka jang go etsa sekao sa gagwe le gore re ka ikobela Jesu jang ka go dirisana sentle le bagolwane.

4. Jesu ke moeteledipele yo o bonolo

Go na le sengwe se Jesu a reng o tla re direla sone. Bala Mathaio 11:​28-​30, lo bo lo tlotla ka potso eno:

  • Jesu ke moeteledipele yo o ntseng jang, mme o batla gore re ikutlwe jang?

Bagolwane ba etsa sekao sa ga Jesu jang? Tshameka BIDIO eno.

Baebele e ruta bagolwane kafa ba tshwanetseng go dira tiro ya bone ka gone.

Bala Isaia 32:2 le 1 Petere 5:​1-3, lo bo lo tlola ka dipotso tseno:

  • E re ka o itse gore bagolwane ba leka go thusa ba bangwe fela jaaka Jesu, seo se dira gore o ikutlwe jang?

  • Ke ditsela dife tse dingwe tse bagolwane ba ka etsang Jesu mo go tsone?

5. Bagolwane ga ba supe fela ka monwana, le bone ba a dira

Jesu o batla gore bagolwane ba tseye tiro ya bone jang? Tshameka BIDIO eno.

Jesu o ile a tlhalosa kafa ba ba eteletseng pele mo phuthegong ba tshwanetseng go itshwara ka gone. Bala Mathaio 23:​8-​12, lo bo lo tlotla ka potso eno:

  • Ke eng se o se ratang ka tsela e Baebele e reng bagolwane ba tshwanetse go itshwara ka yone, mme o lemogile eng ka baeteledipele ba dikereke?

  1. Bagolwane ba nna ba nonotsha botsala jwa bone le Jehofa e bile ba thusa ba malapa a bone gore le bone ba dire jalo

  2. Bagolwane ba tlhokomela botlhe mo phuthegong

  3.   Bagolwane ba rera ka metlha

  4. Bagolwane ba a ruta. Gape ba a phepafatsa le go dira ditiro tse dingwe

6. Re tshwanetse go dirisana sentle le bagolwane

Baebele e re tlhalosetsa lebaka la botlhokwa la go bo re tshwanetse go dirisana sentle le bagolwane. Bala Bahebera 13:​17, lo bo lo tlotla ka dipotso tse di latelang:

  • Goreng Baebele e re re tshwanetse go ikobela ba ba eteletseng pele mo phuthegong? Wena o ikutlwa jang ka seo?

Bala Luke 16:​10, lo bo lo tlotla ka potso eno:

  • Goreng re tshwanetse go ikobela bagolwane ka metlha le mo dilong tse re akanyang gore ga di botlhokwa?

BATHO BANGWE BA RE: “Ga o tlhoke go tsena kereke.”

  • Melemo mengwe ya go nna karolo ya phuthego ke efe?

 O ITHUTILE ENG?

Jesu ke tlhogo ya phuthego. Re dirisana le bagolwane ka gonne ba a re thusa e bile ga ba supe fela ka monwana, le bone ba a dira.

Poeletso

  • Tlhogo ya phuthego ke mang?

  • Bagolwane ba thusa jang mo phuthegong?

  • Mosupi mongwe le mongwe o na le maikarabelo afe?

Leka go Dira Seno

DINTLHA TSE DINGWE

Bona gore Setlhopha se se Laolang le bagolwane gompieno ba tshwenyegile jang ka Bakeresete ba bangwe.

Bakaulengwe ba a Kgothadiwa ka Nako ya fa Tiro ya Rona e Thibetswe (4:22)

Ithute ka tiro ya balebedi ba potologo.

Tiro ya Molebedi wa Potologo yo o Direlang Kwa Magaeng (4:51)

Bala ka seabe sa botlhokwa se basadi ba nang le sone mo phuthegong.

“A Basupi ba ga Jehofa Ba na Le Badiredi ba Basadi?” (Tora ya Tebelo, September 1, 2012)

Bona gore bagolwane ba dira ka natla jang go kgothatsa badumedimmogo le bone.

“Bagolwane ba Bakeresete​—‘Badirimmogo Gore re Ipele’” (Tora ya Tebelo, January 15, 2013)