Fetela kwa tshedimosetsong

Fetela go diteng

 DOMINICAN REPUBLIC

Molatolamodimo e Nna Motlhanka wa Modimo

Juan Crispín

Molatolamodimo e Nna Motlhanka wa Modimo
  • O TSHOTSWE KA 1944

  • O KOLOBEDITSWE KA 1964

  • DINTLHA KA GA GAGWE O kile a bo a sa dumele mo Modimong mme gompieno o na le dingwaga di le 50 a direla Jehofa ka boikanyegi.

FA KE le lekawana, ke ne ke tlhobogile dikereke tse di sa bolong go nna di sa kgathalele batho. Gape ke ne ke sa tlhaloganye gore ke eng fa Modimo a sa fedise khumanego le tshiamololo kgotsa gore ke eng fa batho ba sa tseye dikgakololo tsa Baebele tsia. Ka jalo, ke ne ka fetoga molatolamodimo yo o neng a dumela gore dipolotiki ke tsone fela tse di ka dirang gore lefatshe leno le siame.

Ka 1962, ke ne ka simolola go bala makasine wa Tsogang! Mme ka 1963, ke ne ka dumela go ithuta Baebele le Basupi ba ga Jehofa. Se ke neng ke se ithuta se ne sa nkama fela thata. Ke ne ka ithuta gore ga re ka ke ra pega Modimo molato ka ntlha ya bosetlhogo jwa dikereke le gore mo isagweng Modimo o tla direla batho eng. Morago ga dikgwedi tse pedi ke ntse ke ithuta Baebele, ke ne ka simolola go  bolelela batho gore Bogosi Jwa Modimo bo tla fedisa tsamaiso eno e e bosula ya dilo. Ke kolobeditswe ka 1964 mme ka 1966 ka tlhomiwa go nna mmulatsela yo o kgethegileng. Go ithuta boammaaruri go mpolokile ka gonne bontsi jwa batho ba ke neng ke tsamaya le bone ba sule setlhogo, ba tshwerwe kgotsa ba tshabile mo nageng. Ke leboga Jehofa go bo a nthusitse go dira diphetogo, gape ke itumelela go obamela Modimo yo o solofetsang batho lefatshe le lesha la tshiamo.

Mokaulengwe Crispín a tshwere kobamelo ya mo mosong kwa Bethele