Fetela kwa tshedimosetsong

Fetela go diteng

 DINTLHAKGOLO TSA NGWAGA O O FETILENG

Lekala la Sri Lanka le a Neelwa

Lekala la Sri Lanka le a Neelwa

BAKAULENGWE le bokgaitsadi ba kwa Sri Lanka ba ne ba amogela batho ba le 130 go tswa kwa dinageng di le 19 gore ba nne gone fa lekala le neelwa. Ba ne ba ba amogela mo setlhaketlhakeng seno se sentle ba apere diaparo tsa bone tsa setso. Setlhopha sa bana se ne sa opela dipina tsa Bogosi mme botlhe ba ne ba itumelela go bona batho ba ditso tse di farologaneng, go akaretsa dijo tse di rokotsang mathe, mmino le botsala.

Go na le dikago tse di neng di tlhabolotswe le tse di neng di agilwe sesha mo setsheng sa lekala. Lekala le ne la neelwa Jehofa ka Matlhatso, January 11, 2014, mme batho ba le 893 ba ne ba reeditse thulaganyo ka dipuo di le tharo. Go ne ga opiwa diatla ka lobaka lo loleele fa Mark Sanderson wa Setlhopha se se Laolang, a ne a botsa jaana: “A lo ka rata go neela Jehofa dikago tseno tse disha?”

 Letsatsi le le latelang batho ba le 7 701 ba ne ba itumelela dintlhakgolo tsa thulaganyo ya Matlhatso le puo e e kgothatsang ya ga Mokaulengwe Sanderson. Bakaulengwe ba bangwe kwa mafelong a a farologaneng a le tlhano ba ne ba gokagantswe ka Internet. E ne e le lekgetlo la ntlha bakaulengwe le bokgaitsadi ba setlhaketlhake seno ba kgona go utlwana e bile ba bonana fa ba ntse ba opela dipina tsa Bogosi. Ruri tiragalo eno e e sa lebalesegeng e lerile “boipelo jo bogolo” mo nageng yotlhe.—Neh. 12:43.