Jeremia 23:1-40

  • Badisa ba ba siameng le ba ba sa siamang (1-4)

  • Go tla nna le polokesego fa go busa “letlhogela le le siameng” (5-8)

  • Baporofeti ba maaka ba a kgalwa (9-32)

  • “Morwalo” wa ga Jehofa (33-40)

23  Jehofa a re, “Ruri ke tla atlhola badisa ba ba bolayang le ba ba gasamisang dinku tsa mafulo a me!”+  Ka jalo, seno ke se Jehofa, Modimo wa Iseraele a se buang ka badisa ba ba disang batho ba gaetsho: “Lo gasamisitse dinku tsa me; lo ne lwa nna lwa di phatlalatsa, e bile ga lo a ka lwa di tlhomogela pelo.”+ “Jaanong ga ke na go lo tlhomogela pelo ka ntlha ya ditiro tsa lona tse di bosula,” go bua Jehofa.  “Go tswa foo, ke tla phutha mmogo masalela a dinku tsa me go tswa kwa dinageng tsotlhe tse ke a phatlalaleditseng kwa go tsone,+ mme ke tla di busetsa kwa mafulong a tsone,+ mme di tla ata di bo di nna dintsi.+  Ke tla di batlela badisa ba ba tla di disang sentle.+ Ga di kitla di tlhola di boifa, kgotsa di tshoga, e bile ga go kitla go nna le epe e e timelang,” go bua Jehofa.  Jehofa a re, “Bonang! Metlha e etla, ya fa ke tla tlhomela Dafide letlhogela*+ le le siameng. Mme kgosi e tla busa+ e bo e dira ka temogo e bile e tla diragatsa tshiamiso le tshiamo mo lefatsheng.+  Mo motlheng wa gagwe Juda o tla bolokwa,+ le Iseraele o tla nna ka polokesego.+ Mme leno ke leina le a tla bidiwang ka lone: Jehofa ke Tshiamo ya Rona.”+  Jehofa a re, “Le fa go ntse jalo, metlha e etla, e ba se kitlang ba tlhola ba re, ‘Re ikana ka Jehofa Modimo yo o tshelang, yo o neng a ntsha batho ba Iseraele kwa lefatsheng la Egepeto!’+  mme ba tla re, ‘Re ikana ka Jehofa Modimo yo o tshelang, yo o neng a ntsha a bo a busa ditlogolwana tsa batho ba Iseraele go tswa kwa lefatsheng la bokone le go tswa kwa mafatsheng otlhe a a neng a ba phatlalaleditse kwa go one,’ mme ba tla nna mo lefatsheng la bone.”+  Ono ke molaetsa o o yang kwa baporofeting: Pelo ya me e phatlogile. Marapo a me otlhe a a roroma. Ke tshwana le monna yo o tagilwengLe monna yo o fentsweng ke beine,Ka ntlha ya ga Jehofa le ka ntlha ya mafoko a gagwe a a boitshepo. 10  Gonne lefatshe le tletse batho ba ba dirang boaka;+Lefatshe le mo khutsafalong ka ntlha ya phutso+Le mafulo a naga a omeletse.+ Tsela e ba tshelang ka yone e bosula, e bile ba dirisa maatla a bone ka tsela e e sa siamang. 11  “Moporofeti mmogo le moperesiti ba leswafetse.*+ Tota le mo ntlong ya me ke fitlhetse bosula jwa bone,”+ go bua Jehofa. 12  “Ka jalo, tselana ya bone e tla nna boreledi e bile e tla nna lefifi;+Ba tla kgoromediwa mme ba tla wa. Gonne ke tla ba tlisetsa masetlapeloKa ngwaga o ke tla ba atlholang ka one,” go bua Jehofa. 13  “Mme ke bone selo se se ferosang sebete mo baporofeting ba Samarea.+ Boporofeti jwa bone bo tlhotlhelediwa ke Baale,Mme ba faposa batho ba me ba Iseraele. 14  Mme ke bone dilo tse di maswe thata mo baporofeting ba Jerusalema. Ba dira boaka+ e bile ba tsamaya mo maakeng;+Ba tlhotlheletsa* badirabosula,E bile ga ba tlogele bosula jwa bone. Mo go nna, botlhe ba tshwana le Sodoma,+Le banni ba teng ba tshwana le Gomora.”+ 15  Ka jalo, seno ke se Jehofa wa masomosomo a buang gore se tla diragalela baporofeti: “Jaanong ke dira gore ba je longana,E bile ke ba naya metsi a a nang le botlhole gore ba a nwe.+ Gonne botlhanogi bo anametse mo lefatsheng lotlhe bo tswa mo baporofeting ba Jerusalema.” 16  Seno ke se Jehofa wa masomosomo a se buang: “Lo se ka lwa reetsa mafoko a baporofeti ba ba lo porofetelang.+ Ba a lo tsietsa.* Ponatshegelo e ba e buang e tswa mo pelong ya bone,+E seng mo molomong wa ga Jehofa.+ 17  Gangwe le gape ba raya batho ba ba sa ntlotleng ba re,‘Jehofa o buile jaana: “Lo tla nna le kagiso.”’+ E bile ba raya mongwe le mongwe yo o salang pelo ya gagwe e e kgwaraletseng morago ba re,‘Ga lo kitla lo tlelwa ke masetlapelo ape.’+ 18  Gonne ke mang yo o neng a ema mo gare ga batho ba ba atamalaneng le JehofaGore a bone a bo a utlwe lefoko la gagwe? Ke mang yo o neng a reetsa lefoko la gagwe ka tlhoafalo gore a tle a le utlwe? 19  Setsuatsue sa ga Jehofa se bolotse, eleruri bogale jwa gagwe bo bolotse jaaka setsuatsue;Fela jaaka sefefo, bo tla wela mo ditlhogong tsa badirabosula.+ 20  Bogale jwa ga Jehofa ga bo kitla bo boela moragoGo fitlha a diragatsa a bo a fitlhelela maikaelelo a gagwe. Lo tla tlhaloganya seno sentle go ela kwa bokhutlong jwa metlha. 21  Ga ke a ka ka roma baporofeti, le fa go ntse jalo ba ne ba taboga. Ga ke a ka ka ba bolelela sepe, le fa go ntse jalo ba ne ba porofeta.+ 22  Mme fa ba ka bo ba ile ba ema mo gare ga batho ba ba atamalaneng le nna,Ba ka bo ba dirile gore batho ba me ba utlwe mafoko a me,E bile ba ka bo ba dirile gore ba tlogele tsela ya bone e e bosula le ditiro tsa bone tse di bosula.”+ 23  Jehofa a re, “A ke Modimo yo o gaufi fela, mme gape a ga ke Modimo yo o kgakala?” 24  “Kgotsa a go na le motho ope yo o ka iphitlhang mo lefelong le le fitlhegileng kwa nka se kang ka mmona gone?”+ go bua Jehofa. “A ga ke a tlatsa magodimo le lefatshe?”+ go bua Jehofa. 25  “Ke utlwile baporofeti ba ba porofetang maaka ka leina la me ba re, ‘Ke lorile! Ke lorile!’+ 26  Baporofeti ba tla tswelela ba porofeta maaka ka lobaka lo lo kae? Ke baporofeti ba ba porofetang dilo tse di tsietsang tse di tswang mo dipelong tsa bone.+ 27  Ba batla go lebatsa batho ba me leina la me ka ditoro tsa bone tse ba di bolelelanang, fela jaaka borraabone ba ile ba lebala leina la me ka ntlha ya ga Baale.+ 28  A moporofeti yo o nang le toro a bolele toro, mme yo o nang le lefoko la me o tshwanetse go bua lefoko la me ka boammaaruri.” “Lotlhaka le dijo tsa ditlhaka di tshwana ka eng?” go bua Jehofa. 29  “A lefoko la me ga le tshwane le molelo,+ e bile a ga le tshwane le hamore* e e thubaganyang lefika?”+ go bua Jehofa. 30  “Ka jalo, ke kgatlhanong le baporofeti ba ba buang se ke sa se buang, gore ba bolelele batho se bone ba se batlang,”+ go bua Jehofa. 31  “Jaanong ke tla otlhaya baporofeti ba ba dirisang loleme lwa bone go bua ba re, ‘Modimo a re!’” go bua Jehofa.+ 32  “Ke kgatlhanong le baporofeti ba ba buang ditoro tsa maaka ba bo ba dira gore batho ba me ba fapoge ka ntlha ya maaka a bone le boikgogomoso jwa bone,”+ go bua Jehofa. “Mme ga ke a ba roma e bile ga ke a ba laela sepe. Ka jalo, ga ba kitla ba tswela batho bano mosola gotlhelele,”+ go bua Jehofa. 33  “Mme fa batho bano kgotsa moporofeti kgotsa moperesiti ba go raya ba re, ‘Molaetsa ono wa ga Jehofa ke morwalo!’* o ba reye o re, ‘“Ke lona morwalo! Mme ke tla lo latlha,”+ go bua Jehofa.’ 34  Mme moporofeti ope, moperesiti ope kgotsa motho ope yo o reng, ‘Molaetsa wa ga Jehofa ke morwalo!’ ke tla mo otlhaya le ba lelapa la gagwe. 35  Mongwe le mongwe wa lona o raya motho yo mongwe le morwarraagwe a re, ‘Jehofa o arabile jang? E bile ke eng se Jehofa a se buileng?’ 36  Le fa go ntse jalo, lo se ka lwa tlhola lo re molaetsa wa ga Jehofa ke morwalo, ka gonne lefoko la mongwe le mongwe wa lona ke lone morwalo, e bile lo fetotse mafoko a Modimo yo o tshelang, e bong Jehofa wa masomosomo, Modimo wa rona. 37  “O tla botsa moporofeti o re, ‘Jehofa o go arabile jang? E bile ke eng se Jehofa a se buileng? 38  Mme fa lo tswelela lo re, “Molaetsa wa ga Jehofa ke morwalo!” seno ke se Jehofa a se buang: “E re ka lo rile, ‘Lefoko leno la ga Jehofa ke morwalo,’ fa ke sena go lo raya ke re, ‘Ga lo a tshwanela go bua lo re: “Molaetsa wa ga Jehofa ke morwalo!”’ 39  jaanong ke tla lo tsholetsa ke bo ke lo latlhela kgakala le nna, lona mmogo le motse o ke neng ka o naya lona le borraalonamogolo. 40  Mme ke tla lo tlisetsa matlhabisaditlhong a a nnelang ruri e bile lo tla tlontlologa ka bosakhutleng mme seo ga se kitla se lebalwa.”’”+

Dintlha Tse di Kwa Tlase

Kgotsa “moruaboswa.”
Kgotsa “tlhanogile.”
Seheb., “nonotsha diatla tsa.”
Kgotsa “Ba dira gore lo solofele dilo tse di ka se diregeng.”
Kgotsa “hamole.”
Ka Sehebera, lefoko leno le ka kaya dilo tse pedi: “katlholo ya Modimo e e boima” kgotsa “sengwe se se boima.”