Jeremia 10:1-25

  • Medimo ya ditšhaba e bapisiwa le Modimo yo o tshelang (1-16)

  • Ba tloga ba senngwa ba bo ba isiwa botshwarwa (17, 18)

  • Jeremia o a hutsafala (19-22)

  • Thapelo ya ga Moporofeti Jeremia (23-25)

    • Motho ga a kgone go kaela botshelo jwa gagwe (23)

10  Lona Baiseraele, utlwang tlhagiso e Jehofa a lo e neileng.  Seno ke se Jehofa a se buang: “Lo se ka lwa ithuta tsela ya ditšhaba tse dingwe,+E bile lo se ka lwa tshosiwa ke ditshupo tsa magodimo,Ka gonne ditšhaba tse dingwe di tshosiwa ke ditshupo tseo.+   Gonne mekgwa ya ditšhaba ga e na mosola.* Modiri yo o setswerere o rema setlhare mo sekgweng,A bo a dira modingwana ka sone.+   Ba o kgabisa ka selefera le gauta.+ Ba bo ba o kokotela ka hamore* le dipekere gore o se ka wa wa.+   Medingwana eo ga e kgone go bua fela jaaka setshosa mo tshimong ya dikomokomore;*+E tshwanetse go tsholediwa, ka gonne ga e kgone go tsamaya.+ Lo se ka lwa e boifa, ka gonne e ka se lo utlwise botlhoko,E bile e ka se dire sepe se se molemo.”+   Ga go na ope yo o tshwanang le wena Jehofa.+ O mogolo, e bile leina la gago le legolo gape le maatla.   Ke mang yo o sa tshwanelang go go boifa, wena Kgosi ya ditšhaba?+ Gonne o tshwanelwa ke tlotlo;Ka gonne mo go botlhe ba ba botlhale mo ditšhabeng le mo magosing otlhe a bone,Ga go na ope yo o tshwanang le wena gotlhelele.+   Botlhe fela ga ba akanye e bile ke dimatla.+ Kaelo e e tswang mo setlhareng ga e na mosola* gotlhelele.+   Go tlisiwa selefera e e papetlilweng go tswa kwa Tareshishe+ le gauta go tswa kwa Ufase,Tiro ya mmetli yo o setswerere, tiro ya diatla tsa mothudi wa tshipi. Ba apara diaparo tse di dirilweng ka tlhale e e botala jwa loapi le wulu e phepole. Tsotlhe di dirilwe ke badiri ba ba ditswerere. 10  Mme Jehofa ke ene Modimo wa boammaaruri. Ke Modimo yo o tshelang+ e bile ke Kgosi e e sa khutleng.+ Lefatshe le tla reketla ka ntlha ya kgalefo ya gagwe,+Mme ga go na ditšhaba dipe tse di tla itshokelang tšhakgalo ya gagwe. 11  * Lo ba reye lo re: “Medimo e e sa dirang magodimo le lefatsheE tla fedisiwa mo lefatsheng le ka fa tlase ga magodimo ano.”+ 12  Ke Ene yo o dirileng lefatshe ka maatla a gagwe,Ene yo o neng a dira naga e e ungwang ka botlhale jwa gagwe,+Le yo o neng a phutholola magodimo ka tlhaloganyo ya gagwe.+ 13  Fa a dira gore lentswe la gagwe le utlwiwe,Metsi a a kwa magodimong a a fuduega,+E bile o dira gore maru* a tlhatloge go tswa kwa dikhutlong tsa lefatshe.+ O direla pula legadima,*E bile o ntsha phefo mo mabolokelong a gagwe.+ 14  Motho mongwe le mongwe o dira dilo tsa go sa akanye le tsa go tlhoka kitso. Mothudi mongwe le mongwe wa tshipi o tla tlhabiwa ke ditlhong ka ntlha ya setshwantsho se se betlilweng;+Gonne setshwantsho* sa gagwe se se bopilweng ke maaka,E bile ga go na moya* mo go tsone.+ 15  Ga di na mosola,* ke tiro e e tshwanelwang ke go sotlwa.+ Fa letsatsi la katlholo le tla, di tla nyelela. 16  Yo e leng Kabelo ya ga Jakobe ga a tshwane le dilo tseno,Gonne ke Ene yo o bopileng dilo tsotlhe,Mme Iseraele ke thobane ya boswa jwa gagwe.+ Leina la gagwe ke Jehofa wa masomosomo.+ 17  Phutha morwalo wa gago o o ntshe fa fatshe,Wena mosadi yo o nnang mo matshwenyegong. 18  Gonne seno ke se Jehofa a se buang: “Jaanong ke latlhela* banni ba lefatshe leno kwa ntle ga lone mo nakong eno,+Mme ke tla dira gore ba lebane le matshwenyego.” 19  Ruri go latlhega nna ka ntlha ya go robega* ga me!+ Ntho ya me ga e fole. Mme ke ne ka re: “Eleruri seno ke bolwetse jwa me, ke tshwanetse go bo itshokela. 20  Tente ya me e sentswe, e bile megala ya tente ya me e kgaotswe ka bogare.+ Bomorwaake ba ntlogetse, mme ga ba tlhole ba le teng.+ Ga go na ope yo o setseng yo o ka phuthololang tente ya me kgotsa yo o ka tsholetsang matsela a tente ya me. 21  Gonne badisa ba dira dilo tsa go tlhoka tlhaloganyo,+E bile ga ba a ka ba botsa Jehofa.+ Ke gone ka moo ba sa dirang dilo ka temogo,E bile matsomane a bone otlhe a gasame.”+ 22  Reetsang! Pego e tlile! Go na le pheretlhego e kgolo kwa lefatsheng la bokone,+Masole a lone a tlile go dira gore metse ya Juda e nne e se na batho, e bile e nne mengobo ya bophokoje.+ 23  Ke itse sentle, tlhe Jehofa gore motho ga a na taolo ya go kaela tsela ya gagwe. Tota e bile motho ga a kgone go kaela botshelo jwa gagwe.+ 24  Ao tlhe Jehofa, nkgalemele go ya ka tshiamiso ya gago,O se ka wa nkgalemela o galefile,+ gore o tle o se ka wa nnyeletsa.+ 25  Tshololela tšhakgalo ya gago mo ditšhabeng tse di go itlhokomolosang,+Le mo malapeng a a sa bitseng leina la gago. Gonne ba fedisitse ditlogolwana tsa ga Jakobe,+Tota ba ne ba batla go di nyeletsa,+E bile ba sentse naga ya gagwe.+

Dintlha Tse di Kwa Tlase

Kgotsa “ke lefela.”
Kgotsa “hamole.”
Kgotsa “dikhukhamba; diphare.”
Kgotsa “ke lefela.”
Kwa tshimologong, temana 11 e ne e kwadilwe ka Searamaika.
Kgotsa “mouwane.”
Kgotsa gongwe “mesele.”
Kgotsa “sefikantswe.”
Kgotsa “mohemo.”
Kgotsa “Ke lefela.”
Kgotsa “konopela.”
Kgotsa “thubega.”